Լավ է, չէ՞, կեսօրին տանը նստած սքրոլ էս անում, մեկ էլ հրետանու դղրդյուն

Լավ է, չէ՞, կեսօրին տանը նստած սքրոլ էս անում, մեկ էլ հրետանու դղրդյուն, դրոններ ու կանանց-երեխաների ճիչեր աստիճաններին. «մա՜մ», «պադվալ», «խոխան», «մեքենան», «ապակիները», «Շուշիից են խփում…», «Էնգելսի մոստը», «МИД-ի մոտ` խանութները…», խուճապ ու իրարանցում:

Օդային տագնապը ողջ ուժով սուլում է նորից: Ավտոմատների կրակահերթեր: Այդքա՞ն մոտ են արդեն: Վերջին կալաշնիկովների ձայնը Ստեփանակերտում երեւի Շուշիի ազատագրման ժամանակ է լսվել:

Ընդամենը երկու օր առաջ էլ քահանան խաղող օրհնում եկեղեցու բակում: Ով պլաստիկ տոպրակ ուներ` մի ողկույզ վերցնում էր:

2023թ. սեպտեմբերի 19-ինն էր…

Մարութ Վանյան