ՔՊ-ն դեմ քվեարկեց արցախցիներին տրամադրվող օգնության վերահսկողությանը

ԱԺ ՔՊ խմբակցությունը դեմ քվեարկեց բռնի տեղահանված եւ ՀՀ տեղափոխված Արցախի Հանրապետության ժողովրդի կենսագործունեության պայմաններն ուսումնասիրելու նպատակով ԱԺ քննիչ հանձնաժողով ստեղծելու նախաձեռնությանը։

Թեեւ ավելի վաղ Ալեն Սիմոնյանն ասել էր, որ հանձնաժողովն իրավունքի ուժով այսպես թե այնպես ստեղծվելու է, բայց այսօրվա նիստում ՔՊ խմբակցության ղեկավարը հայտարարեց, որ իրենք դեմ են քվեարկելու։

«Հայաստան» խմբակցության պատգամավոր Արծվիկ Մինասյանն ասաց, որ Սփյուռքից եւ միջազգային կազմակերպություններից հսկայական միջոցներ են հատկացվել Արցախից ժողովրդի կենսապայմանների բարելավման համար։ Եվ խորհրդարանն պարտավոր է իրականացնել արդյունավետ վերահսկողություն, այս հանձնաժողովի կարեւոր առաքելություններից մեկն էլ դա էր լինելու։