Առստամյանը չի հերքել, որ խնձոր նետողը հենց ինքն էր, բայց ասել է՝ խուլիգանություն չէր

Արցախյան փաստաբան Ռոման Երիցյան-ը տեղեկացրել է, որ Ալբերտ Առստամյանի գործը (խնձոր նետող պապիկի գործ) մեղադրական եզրակացությամբ ուղարկվել է դատարան։

Առաջին դատական նիստը նշանակված է սույն թվականի հոկտեմբերի 31-ին՝ ժամը 12:00-ին Երևանի քրեական դատարանի Ավան նստավայրում, դատավորը՝ Արման Հովհաննիսյան, դատական նիստերը՝ դռնբաց։

Ա․Առստամյանը մեղադրվում է խուլիգանություն կատարելու մեջ, նրա նկատմամբ ընտրված է բացակայելու արգելք խափանման միջոցը։

Հիշեցնենք, որ Ալբերտ Առստամյանը խնձոր է նետել Նիկոլ Փաշինյանի ուղղությամբ․ Առստամյանը չի հերքել և ընդունել է, որ խնձոր նետողը հենց ինքն էր, սակայն արարքը խուլիգանություն որակելու հետ արտահայտել է անհամաձայնություն։ Նա ցուցմունքում ասել է՝ Փաշինյանի հանդեպ ատելությամբ է լցվել՝ Արցախը հանձնելու համար։