Տարոն Աճեմօղլուն արժանացավ տնտեսագիտության բնագավառում Նոբելյան մրցանակի
- 16:04 14.10.2024
Ծնունդով Ստամբուլից, ազգությամբ հայ Տարոն Աճեմօղլուն արժանացավ տնտեսագիտության բնագավառում Նոբելյան մրցանակի։ Նա այս մրցանակը կիսում է տնտեսագետ Ջեյմս Ռոբինսոնի և հետազոտող Սայմոն Ջոնսոնի հետ։
Աճեմօղլուն ու Ռոբինսոնը «Ինչու են ձախողվում պետությունները» (Why nations fail) համաշխարհային ճանաչում ունեցող գրքի հեղինակներն են։
Ըստ Կոմիտեի՝ Աճեմօղլուն, Ռոբինսոնն ու Ջոնսոնը Նոբելյան մրցանակին արժանացել են «ինստիտուտների ձևավորման և բարեկեցության վրա դրանց ազդեցության վերաբերյալ ուսումնասիրությունների համար»։
Արարողության ընթացքում Նոբելյան կոմիտեն հեռախոսով կապ հաստատեց տնտեսագետի հետ, Աճեմօղլուն չթաքցրեց՝ նորությունն իրական շոկ է իր համար։
2021 թվականին հայազգի ամերիկացի գիտնական Արտեմ Պատապուտյանը ամերիկացի գիտնական Դեյվիդ Ջուլիուսի հետ արժանացել է բժշկության բնագավառում Նոբելյան մրցանակի։