Բագրատ սրբազան․ Այս փուլում շարժումը անհաջողություն է կրել
- 16:14 17.10.2024
Այս փուլում «Սրբազան պայքար» շարժումը անհաջողություն է կրել։ Այս մասին հայ-ադրբեջանական սահմանազատման եւ սահմանագծման պետական հանձնաժողովների աշխատանքի կանոնակարգի, ինչպես նաեւ ՀՀ Ազգային ժողովի «Հայաստանի անկախության հռչակագրի անժամկետ ակտուալության մասին» հայտարարության նախագծի վերաբերյալ խորհրդարանական լսումներում հոկտեմբերի 17-ին ասել է շարժման առաջնորդ, արքեպիսկոպոս Բագրատ Գալստանյանը։
«Այո, մենք անհաջողություն ենք կրել այս փուլում, բայց մեր պայքարը շարունակվում է ի հեճուկս մարդկային տկարամտության, ամեն տեսակ շահերի եւ ինտրիգների։ Չէ՞ որ այս պայքարը այս խայտառակ գործընթացը կանգնեցնելն ու մեր պետականությունը վերականգնելն է։ Այո, ներկա պահին մենք չկարողացանք կանգնեցնել աղետը Կիրանցի եւ Ոսկեպարի տարածքների հանձնման տեսքով, բայց ես կարծում եմ, որ այս ընթացքում մեզ հաջողվել է կանգնեցնել մեկ այլ գործընթաց, որը ներառում է անկլավների հանձնումը, ինչպես նաեւ նոր տարածքային զիջումները»,- ասել է Գալստանյանը։
Նրա կարծիքով՝ իրենց նաեւ հաջողվել է կասեցնել գործող Սահամանդրության փոփոխությունը, «որով շահագրգռված են Հայաստանի գործող իշխանությունները եւ Բաքվի վարչակարգը»։