Նախարար․ մենք անընդհատ վերադառնում ենք բնակապահովման ծրագրին, հասկանալու համար, թե այնտեղ ինչ խնդիրներ կան

Աշխատանքի եւ սոցիալական հարցերիկ նախարար Նարեկ Մկրտչյանին այսօր լրագրողները հարցերին՝ իրենց չի մտահոգո՞ւմ արցախցիների շրջանում արտագաղթի մեծ ծավալը։ «Ես չեմ կարծում, որ բավական մեծ թվով ԼՂ-ից բռնի տեղահանված մեր հայրենակիցներ արտագաղթում են։ Բավական բնական միտում կա՝ եւ գնում են, եւ վերադառնում են։ Երբ նայում ենք նախորդ տարվա հոկտեմբերից սկսված շարժը, այստեղ էական արտագաղթի միտում մենք չենք տեսնում»,- ասաց նա։

Նախարարը հավելեց․ «Մենք մեր աջակցության ծրագրերն իրականացրել ենք երեք տրամաբանությամբ՝ կարճաժամկետ, միջնաժամկետ եւ երկարաժամկետ։ Միջնաժամկետ ծրագրերի հատվածում մշակեցինք բնակապահովման ծրագիրը, եւ մենք անընդհատ վերադառնում ենք այդ ծրագրին՝ հասկանալու համար, թե այնտեղ ինչ խնդիրներ կան։ Վերջին տվյալներն ինձ մոտ չկան, բայց գիտեք, որ կարեւոր նախապայման է քաղաքացիության ընդունումը, որից հետո կարող են դառնալ ծրագրի շահառու։ Հիմա մենք կրկին վերադառնում ենք այդ ծրագրերին՝ նայելու համար, թե այնտեղ ինչ լավարկումներ կարող ենք անել, որպեսզի ավելի մեծացնենք արդյունավետությունը դիմելության առումով»։

Հարցին, որ բողոքի ակցիաներին մասնակցող արցախցիներից կան ահազանգեր, որ մարդկանց զրկում են աջակկցության ծրագրեից, նախարարը պատասխանեց․ «Դա հերյուրանք է, չկա նման բան։ Եթե դուք բերեք մեկ օրինակ, որ որեւիցե մարդ իր քաղաքական կամ չգիտեմ ինչ ակցիաների մասնակցության պատճառով զրվել է աջակցության ծրագրերից, սուտ է»։