«Տնտեսական աճի» գաղտնիքը պարզվեց՝ ոսկու վերաարտահանումը

Հայաստանից արտահանումը 2024 թվականի հունվար-սեպտեմբերին աճել է 2,1 անգամ, սակայն Հայաստանում ուղղակիորեն արտադրված ապրանքների մատակարարումների աճը կազմել է ընդամենը 1,4%։

Այս մասին ԱԺ ֆինանսավարկային և բյուջետային հարցերի հանձնաժողովում 2025 թվականի պետական ​​բյուջեի նախագծի քննարկմանը հայտարարեց ՀՀ ֆինանսների նախարար Վահե Հովհաննիսյանը։

Այս արդյունքը մասամբ բացատրվում է նրանով, որ վիճակագրությունը ներառում է ոսկին, որը մասամբ վերամշակվում է Հայաստանում, սակայն դրա արժեքի հիմնական մասը ձևավորվում է նրա սահմաններից դուրս։

Ներմուծումն այս ժամանակահատվածում աճել է 56.5%-ով, սակայն առանց վերաարտահանման նվազել է 5.2%-ով։

Նախարարը նշեց, որ առանց ոսկու վերաարտահանումը հաշվի առնելու՝ Հայաստանում հունվար-օգոստոսին տնտեսական ակտիվությունը գրանցված 9-ի փոխարեն կկազմեր 6,4 տոկոս։

Փաստորեն, Հայաստանի կառավարությունն ընտրել է տնտեսական զարգացման «ինտենսիվ» տարբերակը՝ ոսկի է ներկրում մի երկրից եւ արտահանում մյուս երկիր։