Տրանսպորտային կատակերգություն Երևանում. ուղևորները շուտով կհասկանան, որ կարելի է չվճարել

Տրանսպորտային «բարեփոխումը» Երևանում գնալով ավելի է կատակերգական հատկանիշեր ձեռք բերում։ Մինչ քաղաքային իշխանությունները հայտնում են, որ նոր համակարգին անցնելուց հետո սկսել են ավելի շատ գումար հավաքել, քանի որ վարորդները այլևս գումար չեն տանում տուն, ուղևորները «փորձարկում» են համակարգը՝ պարզելու, թե “ինչն է կարելի և ինչը՝ ոչ”։

Քանի որ վարորդներից հանել են վերահսկողական գործառույթը, ստացվել է, որ ավտոբուսում ոչ ոք պարտավոր չէ հետեւել, որ ուղևորները վճարեն։ Լեփ-լեցուն ավտոբուսներում չկան տուռնիկետներ կամ այլ էլեկտրոնային միջոցներ, եւ միայն ամենաօրինապաշտ մարդիկ, վտանգելով իրենց կյանքը, փորձում ամեն կերպ վճարել։ Արդյունքում գնալով ավելի շատ ուղևորներ են հասկանում, որ չվճարելը «ավելի անվտանգ» է, քանի որ դրա համար ոչինչ չի լինի։

Եթե ​​մետրոյում վերահսկողության գործառույթը կատարում են տուռնիկետները ու աշխատակիցները, ապա ավտոբուսներում ոչ ոք չի վերահսկում` մարդիկ վճարում են, թե ոչ։ Ավելին, վարորդները եւս շահագրգռված չեն ուղևորների հետևից բղավել, որ իրենք չեն վճարել։

Շուտով առավել նախաձեռնող ուղևորները կհասկանան, որ ոչ ոք չի վերահսկում իրենց, և պարզապես կդադարեցնեն վճարումները։