Օսիպյան․ Պետք է մի կողմ թողենք բամբասանքները, որպեսզի կարողանանք ինքնակազմակերպվենք

“Արցախցիների պրոբլեմը ՀՀ իշխանություններն են,

Արցախցիների պրոբլեմը ՀՀ ընդդիմությունն է,

Արցախցիների պրոբլեմը Արցախի ԱԺ-ում ներկայացված քաղաքական ուժերն են,

Արցախցիների պրոբլեմը Ռուսաստանն է, Ադրբեջանը և Թուրքիան։

Բայց սրանք բոլորը հաղթահարելի խնդիրներ են, եթե մենք ինքներս մեզ չխոչընդոտենք։

Ես հաճախ եմ հարցնում, թե ինչու՞ ենք մենք այսպիսի քաղաքական պասիվություն դրսևորում և միշտ ստանում նույն պատասխանը՝ չավարտվող բանբասանքներ, որ ամեն մի քաղաքական նախաձեռնությանը և նախաձեռնող խմբի կամ անձի հետևից անդադար կեղծ խոսակցություններ են տարածվում։

Նման կեղծիքները շրջանառության մեջ են դրվում վերը թվարկված թշնամիների կողմից, որպեսզի տարանջատեն մեզ իրարից։ Մի տրվեք նման լուրերին, մի կրկնեք նրանց թեզերը, մինչև հստակ չեք համոզվել լուրի իսկությանը։

Հարգելի արցախցիներ, մենք պետք է մի կողմ թողենք բամբասանքները, որպեսզի կարողանանք ինքնակազմակերպվենք, որպեսզի ինքներս չխանգարենք նրանց, ովքեր ցանկություն և հնարավորություն ունեն օգնել ծանր վիճակում հայտնված մեր հայրենակիցներին։

ՔՊ-ականներից այլ փրկում չկա․  կամ մենք համախմբվում ենք Արցախի խնդրի շուրջ, կամ գնալով վիճակն էլ ավելի կծանրանա, և մեզ երկար ժամանակ չի մնա՝ լուծելու մեր հարցերը, որպեսզի չհայտնվենք փողոցներում։