Մառախուղ, ոչինչ չի երևում, չեղարկվել է 8 չվերթ, ցրտում է
- 12:19 13.12.2024
Հայաստանի տարածքում կան փակ և դժվարանցանելի ավտոճանապարհներ։
Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը:
Ջերմուկի խաչմերուկից «Զանգեր» կոչվող հատվածը կցորդիչով բեռնատարների համար փակ է, անցանելի՝ անվաշղթաների կիրառման դեպքում։
Վարդենյաց լեռնանցքը կցորդիչով բեռնատարների համար դժվարանցանելի է՝ միայն անվաշղթաների կիրառման դեպքում։
Դժվարանցանելի են Արագածոտնի մարզի ավտոճանապարհները։
Սյունիքի մարզի ավտոճանապարհներին, Ախուրյանի, Գավառի, Մարտունու, Ճամբարակի, Դիլիջանի ավտոճանապարհները տեղ-տեղ պատվել են մերկասառույցով։
Վարդենյաց լեռնանցքում, «Մեղրու սար» կոչվող հատվածում ձյուն է գալիս։
Արարատի և Արտաշատի տարածաշրջանների ավտոճանապարհներին մառախուղ է։
«Զվարթնոց» օդանավակայանում ժամը 4։30–ից 8։00 ժամանակահատվածում 8 ինքնաթիռ չի կարողացել վայրէջք կատարել վատ տեսանելիության պատճառով։
Օդանավերը մեկնել են պահեստային օդանավակայաններ:
Առաջիկայում վայրէջք կատարող օդանավ չկա։ Հետագա իրավիճակը կախված է մառախուղի խտությունից։
Օդանավակայանի կայքում նշված է, որ չեղարկվել են Աթենքի, Վիեննայի, Վարշավայի չվերթերը:
Նախնական տվյալով՝ օդանավերի մի մասը վայրէջք է կատարել Թբիլիսիում, Մոսկվա–Երևան չվերթ իրականացնող ինքնաթիռը` Մախաչկալայում։
Ուրբաթ Հայաստանի ողջ տարածքում սպասվում է ձյուն, օդի ջերմաստիճանի անկում և մառախուղ, հայտնում է Հայաստանի հիդրոօդերեւութաբանության և մոնիտորինգի կենտրոնը։
Ըստ կանխատեսման՝ դեկտեմբերի 15-ին տեղումները կդադարեն։ Օդի ջերմաստիճանը 13-15-ի գիշերը կնվազի 5-7 աստիճանով։
Շիրակում և Գեղարքունիքում օդի ջերմաստիճանը դեկտեմբերի 13-ին կլինի +1, Կոտայքում՝ +5, Լոռիում, Տավուշում, Արարատում և Արմավիրում՝ +8, Արագածոտնում՝ +6, Վայոց Ձորում՝ +7, Սյունիքում՝ ++։ 12.
Երևանում նույնպես տեղումներ կլինեն. Հայաստանի մայրաքաղաքում ուրբաթ օրը ջերմաչափը կբարձրանա +7-ի։
Շիրակում և Գեղարքունիքում օդի ջերմաստիճանը դեկտեմբերի 13-ին կլինի +1, Կոտայքում՝ +5, Լոռիում, Տավուշում, Արարատում և Արմավիրում՝ +8, Արագածոտնում՝ +6, Վայոց Ձորում՝ +7, Սյունիքում՝ ++։ 12.
Երևանում նույնպես տեղումներ կլինեն. Հայաստանի մայրաքաղաքում ուրբաթ օրը ջերմաչափը կբարձրանա +7-ի։