Ակտաուում Բաքվից Գրոզնի թռչող ինքնաթիռ է կործանվել, 28 մարդ ողջ է մնացել
- 12:29 25.12.2024
Բաքվից Գրոզնի թռչող ինքնաթիռը վթարի է ենթարկվել Ղազախստանի Ակտաու քաղաքի օդանավակայանում, հայտնում է Orda-ն՝ վկայակոչելով ականատեսներին և Ղազախստանի Արտակարգ իրավիճակների վարչությանը։ Տեղեկությունը հաստատում է Tengrinews-ը։
Ինքնաթիռը պատկանել է «Ադրբեջանական ավիաուղիներ»-ին։ Գրոզնիի օդանավակայանի վարչության տվյալներով՝ Բաքվից J2 8243 չվերթը Չեչնիա պետք է հասներ Մոսկվայի ժամանակով 8:20-ին։
Ինչպես ՌԻԱ Նովոստիին պարզաբանել է Գրոզնիի օդանավակայանի մամուլի ծառայությունը, Չեչնիայի մայրաքաղաքում մառախուղի պատճառով Բաքվից ինքնաթիռը վերահղվել է Մախաչկալա, այնուհետև Ակտաու։
Կործանված ինքնաթիռում ողջ մնացածներ կան. РИА Новости-ն՝ հղում անելով Ղազախստանի արտակարգ իրավիճակների նախարարությանը, հայտնում է 28 ողջ մնացածների մասին։
«Ադրբեջանական ավիաուղիներ»-ը հայտնել է, որ, ըստ նախնական տեղեկությունների, միջադեպի պատճառը եղել է ինքնաթիռի և թռչունների երամի բախումը։