Հայրենասիրություն. Ճարտարցի ընկերները շարունակում են օգնել համագյուղացիներին
- 17:09 08.01.2025
Իսկական հայրենասերը այն մարդիկ են, ովքեր պատրաստ են ամեն ինչ անել հանուն իրենց հայրենիքի ու ժողովրդի բարօրության՝ առանց գովազդելու իրենց գործողությունները և առանց գովաբանություն պահանջելու։
Հայրենասիրության վառ օրինակ են երկու ընկերներ ու դասընկերներ՝ Երվանդ Հայրապետյանն ու Նվեր Գաբրիելյանը։ Ծնվել և մեծացել են արցախյան Ճարտար գյուղում։ Ավելի ուշ նրանք տեղափոխվեցին Մոսկվա, որտեղ կազմակերպեցին իրենց սեփական բիզնեսը։
Ապրելով հայրենիքից դուրս՝ Նվերն ու Երվանդը չեն մոռացել իրենց արմատների մասին՝ Արցախի համար ամենածանր ժամանակաշրջաններում աջակցություն ցուցաբերելով իրենց հայրենակիցներին։ Արցախյան վերջին պատերազմների ժամանակ նրանք ֆինանսական օգնություն են ցուցաբերել Արցախի պաշտպանության բանակին անհրաժեշտ սպառազինություն և տեխնիկա ձեռք բերելու համար։
Նրանք նաև օգնել են 2020 և 2023 թվականների Արցախյան պատերազմներում զոհվածների ընտանիքներին։ Նրանց շնորհիվ նախորդ տարի զոհվածների ընտանիքների երեխաները ստացան ամանորյա նվերներ, իսկ այս տարի Ճարտարից զոհված զինծառայողների 57 ընտանիքներ ստացան միանվագ նպաստ 50000 դրամի չափով։
Եվ սա այն բոլոր բարի գործերի ու արարքների ամբողջ ցանկը չէ, որ արել և անում են այս համեստ տղաները։
Արսեն Աղաջանյան
