Ասում է, ո՞նց այս պայմաններում երեխա պահենք, խրամատների մոտ
- 10:42 10.01.2025
Շատերը կհիշեն Արեգի այս հայտնի ֆոտոն: Այս երեխաներին ես պատահական հանդիպեցի Տեղ գյուղում ու պարզվեց` մեր հարեւան Արմենի երեխաներն են, ում հետ մի բակում ֆուտբոլ խաղալով ենք մեծացել Ստեփանակերտում: Իրենց շենքը մեզ էր պարտվում, մերն` իրենց:
Ինչպես հայտնի է արցախցիների 80% այսօր ապրում է Երեւանում ու հարակից բնակավայրերում: “Ասում են, գնացեք սահմանամերձ բնակավայրեր, եկել եմ, հիմա այս ցրտին ես ոնց երեխա լողացնեմ ու դպրոց ուղարկեմ”, Արմենի կինը` Արեւիկն է ասում, ով Շուշիի Նարեկացի կենտրոնում հոգեբան է աշխատել ու վարսահարդար է երկրորդ մասնագիտությամբ:
Ասում է, որ չի կարողացել գործիքները բերել, ասում է, որ սա պայմաններ չեն ապրելու համար, ասում է, որ սահմանամերձ այս գյուղի վրա ուշադրություն չկա, ասում է, որ խրամատների մոտ են ապրում…. Ես գրել եմ այս բոլոր խնդիրների մասին իմ հոդվածում, չգիտեմ, որքանով օգտակար կլինեմ…
Մարութ Վանյան
