Պաշտոնական Երեւանը չի խոսում արցախցիների ունեցվածքի կորուստի եւ փոխհատուցման մասին
- 15:19 16.01.2025
Тигран Петросян-ը գրում է․
Այսօր ՀՀ Արտաքին գործերի նախարարությունը հայտարարություն է տարածել՝ Բաքվում հայերի նկատմամբ էթնիկ զտումների 35-րդ տարելիցի կապակցությամբ, որտեղ նաև նշվում է հայերի միլիարդավոր դոլարների կորցրած ունեցվացքի մասին, շեշտելով, որ որևէ փոխհատուցում չի եղել…
Ճիշտ եք անում, որ չեք մոռանում այդ ամենը, սակայն առնվազն տարօրինակ է խոսել 35 տարվա դեպքերի մասին, շեշտելով, որ ունեցվացքի որևէ փոխհատուցում չի եղել, բայց լռել մեկ տարի առաջ Արցախում տեղի ունեցած ցեղասպասության, 140 հազարից ավել մարդկանց ունեցվացքի կորստի մասին…
Արցախցիներ, մեկ տարուց ավել է, որ Ադրբեջանը խլեց մեզնից մեր տները, մեր տարիներով վաստակածը, և, ցավոք, Հայաստանի իշխանությունները, որոնք ուղիղ հայտարարում են, որ ստիպված էին Արցախից հրաժարվել, որպեսզի փրկեն մնացածը, այսօր գեթ մի բառ չեն խոսում, չեն պայքարում մեր կորցրած ունեցվացքի (միջազգային իրավունքի) համար։ Չեն խոսում այդ մասին նաև Արցախի իշխանություններն ու Հայաստանի պարլամենտական ընդդիմությունը…
Պատրաստվեք պայքարի, թե չէ մեզ լրիվ կենդանու տեղ են դրել…