Որտե՞ղ են Բաքվի պատանդները կրելու իրենց «տնային կալանքը»
- 22:39 21.01.2025
Ըստ լրատվամիջոցների՝ Բաքվում ընթացող Արցախի ռազմաքաղաքաան ղեկավարության գործերով դատի ժամանակ ընդմիջումից հետո բանտարկյալներից շատերի փաստաբանները խնդրել են իրենց պաշտպանյալների նկատմամբ խափանման միջոցները փոխել տնային կալանքի։
Բացառություն է կազմել Արայիկ Հարությունյանը, ով, ըստ ադրբեջանական աղբյուրների, հայտարարել է, որ ոչ ինքը, ոչ իր փաստաբանը տնային կալանք չեն խնդրել, ինչպես նաև բողոքներ չունի իր առողջական վիճակից։
Դատարանը հաջորդ նիստը կանցկացնի հունվարի 27-ին, երբ կհրապարակվի միջնորդությունների վերաբերյալ որոշումը։
Ի՞նչ է նշանակում «տնային կալանք». նկատի ունեն Ստեփանակե՞րտի տները, թե՞ Հայաստանին արտահանձնելու մասին է խոսքը։
Հայաստանի խորհրդարանի խոսնակ Ալեն Սիմոնյանը հույս ունի, որ դատավարություններից հետո կալանավորներին կվերադարձնեն Ադրբեջանից։ «Մենք տեսնում ենք, թե ինչ է կատարվում, մոնիտորինգ ենք անում, բայց ասելիք չունենք, արձագանքելու բան չունենք։ Այն, ինչ կատարվում է, ցավալի է. հուսով ենք, որ դատավարության ավարտից հետո հնարավորություն կլինի ինչ-որ կերպ վերադարձնել այս մարդկանց, քննարկել նրանց ազատ արձակումը և ինչ-որ կերպ լուծել այս հարցը»,- լրագրողների հետ զրույցում ասաց նա։