Արցախի ՊԲ-ի 15% է անցել ծառայության ՀՀ-ում
- 15:45 04.02.2025
Արցախի հայաթափումից հետո Արցախի Պաշտպանության բանակի ներկայացուցիչների ընդամենը 15% է անցել ՀՀ-ում զինվորական ծառայության, այս մասին այսօր «Ուղիղ երկխոսություն. փախստականների կարիքների հասցեագրումը Հայաստանում» թեմայով համաժողովի պանելային քննարկման ժամանակ նշեց Արցախի պահեստազորի սպա, գնդապետ Գրիգորի Սահակյանը։
«Հակարիի կամուրջն անցնելուց հետո «պարզվեց» , որ զինված ուժերի ներկայացուցիչները ՀՀ քաղաքացիներ չեն, այնինչ Արցախի ՊԲ ներկայացուցիչները ՀՀ զինված ուժերի մի մասն էին»,- նշել է նա։ Պահեստազորի սպայի կարծիքով, այս ցուցանիշը մեծապես կապված է նրա հետ, որ ՊԲ զորամասերը եւ ստորաբաժանումները զորացրվել են եւ այստեղ մոտեցումները ոչ թե կոլեկտիվ, այլ անհատական են եղել։
«Ոչինչ հաշվի չի առվել տեղահանությունից հետո, ասես այդ մարդիկ երբեք չեն ծառայել զինված ուժերում՝ ոչ ստաժ, ոչ փորձառություն ունեն», նշել է Գրիգորի Սահակյանը։