Ովքե՞ր են սպանում Սիրիայում ալավիներին. «նրանք նման էին չեչենների կամ ուզբեկների»
- 15:35 10.03.2025
BBC-ն հրապարակել է մերձավորարևելյան իր թղթակից Լինա Սինջաբի հոդվածը
Սիրիայի առաջնորդ Ահմեդ ալ-Շարաան միասնության կոչ է արել այն բանից հետո, երբ կիրակի օրը շարունակվել են սպանությունները այն շրջաններում, որտեղ բնակվում է տապալված նախագահ Բաշար ալ Ասադին հավատարիմ ալավիական փոքրամասնությունը:
Հաղորդվում է, որ հարյուրավոր մարդիկ լքել են իրենց տները միջերկրածովյան Լաթաքիա և Տարտուս նահանգներից, որտեղ բնակվում է ալավիական համայնքը: Տեղի բնակիչները նկարագրում են թալանի և զանգվածային սպանությունների, այդ թվում՝ երեխաների, տեսարաններ:
Առափնյա Բանիաս քաղաքի Հայ ալ-Քուսուրի թաղամասի բնակիչներն, որը հիմնականում ալավիներով է բնակեցված, ասում են, որ փողոցները լցված են դիերով: Ականատեսների վկայությամբ՝ այնտեղ սպանվել են տարբեր տարիքի տղամարդիկ։
Ալավիները կազմում են Սիրիայի բնակչության մոտ 10%-ը։ Երկրի բնակիչների մեծ մասը սուննի մահմեդականներ են։ Գահընկեց արված նախագահ Բաշար ալ Ասադը նույնպես պատկանում է ալավիական կրոնական շարժմանը։
«Նրանք անծանոթ էին, ես չեմ կարող որոշել նրանց ինքնությունը կամ լեզուն, բայց նրանք կարծես ուզբեկներ կամ չեչեններ էին»,- հեռախոսով ասաց ականատեսներից մեկը՝ Ֆարեսը։
«Նրանց հետ կային նաև մի քանի սիրիացիներ, բայց ոչ պաշտոնական անվտանգության ուժերից։ Սպանություններ կատարողների թվում կային նաև խաղաղ բնակիչներ», – հավելել է նա։
Տղամարդն ասել է, որ տեսել է ընտանիքներ սպանված իրենց տներում, ինչպես նաև արյունոտ կանանց ու երեխաներին: Որոշ ընտանիքներ փորձել են թաքնվել իրենց տների տանիքներին, սակայն չեն կարողացել փախչել։ Սարսափելի է»,- ասել է Ֆարեսը։
Ֆարեսն ասաց, որ իրավիճակը կայունացավ, երբ սիրիական բանակը և անվտանգության ուժերը ժամանեցին Բանիաս՝ դուրս մղելով այլ խմբերին քաղաքից և ընտանիքներին միջանցքներ տրամադրելով անվտանգ տարածքներ մուտք գործելու համար:
Շարունակությունն այստեղ