Վլադիմիրի մարզում զինանոցի պայթյունից հետո տարհանվել է 7 բնակավայր
- 09:11 23.04.2025
ՌԴ Վլադիմիրի շրջանի Կիրժաչի շրջանում, որտեղ նախօրեին հրդեհ է բռնկվել ռազմական պահեստում, զինամթերքի պայթեցումն աստիճանաբար ավարտվում է, հայտնել է նահանգապետ Ալեքսանդր Ավդեևը։
«Պահեստներում պայթեցումը աստիճանաբար ավարտվում է, սակայն անհրաժեշտ են հետազոտություններ և հետևանքների գնահատում»,- ասել է նա օպերատիվ շտաբի նիստից հետո։
Յոթ բնակեցված տարածքներ, որոնք գտնվում են այն զորամասի մոտ, որտեղ պայթյուններ են տեղի ունենում, ներառվել են տարհանման գոտում, գրում են ռուսական լրատվամիջոցները։
Համացանցում արդեն հայտնվել են Կիրժաչի վրա հրթիռների վայրէջքի կադրերը, որը գտնվում է մոտավորապես զորամասից 10 կմ հեռավորության վրա։ Հրթիռներն անմիջապես ընկնում են քաղաքացիական թիրախների վրա։ Ռուսական իշխանությունների պաշտոնական տվյալների համաձայն՝ տեղի առնվազն երեք բնակիչ արդեն վիրավորվել է։
ՌԴ պաշտպանության նախարարությունը հերքում է միջադեպին Ուկրաինայի մասնակցությունը։ Նրա վարկածով՝ պայթյունը տեղի է ունեցել «անվտանգության կանոնների խախտման» հետևանքով։ Ռուսական Gulagu.net իրավապաշտպան ռեսուրսի փոխանցմամբ՝ զինանոցի պայթյունի հետևանքով զոհվել է առնվազն 7 զինծառայող։
«ՌԴ ՊՆ-ն ներկայումս թաքցնում է մի շարք զինծառայողների մահվան փաստը և փորձում է արտակարգ դրությունը ներկայացնել որպես դժբախտ պատահար՝ տեղեկատվական տարածքում Ուկրաինայի հետախուզության գլխավոր վարչությանը և զինված ուժերին դիմակայելու համար», – գրում է աղբյուրը։ Վարկած կա, որ օբյեկտը կարող էր խոցվել ուկրաինական անօդաչու թռչող սարքերի կողմից։ Հաստատում դեռևս չկա։
Պայթած զինանոցում կարող էր լինել մինչև 270 հազար տոննա արկ։ Արբանյակային պատկերները ցույց են տալիս, որ զինամթերքի մի մասը պահվել է բաց երկնքի տակ: Առաջին՝ ամենահզոր պայթյունը տեսանելի է եղել արտակարգ դեպքի վայրից 50 կմ հեռավորության վրա, գրում է Dialog.UA-ն։