Հայաստանի՝ ՀԱՊԿ-ից դուրս գալու հարցը կարող է քննարկվել նոյեմբերի 11-ին
- 09:20 23.10.2026
Հավաքական անվտանգության պայմանագրի կազմակերպության (ՀԱՊԿ) պետությունների ղեկավարները կարող են որոշում կայացնել Հայաստանի անդամակցության վերաբերյալ ՀԱՊԿ-ի նոյեմբերի 11-ին կայանալիք նստաշրջանում, ՏԱՍՍ-ին ասել է ՀԱՊԿ գլխավոր քարտուղար Տաալատբեկ Մասադիկովը։
Խոսելով կազմակերպությունից Երևանի դուրս գալու հնարավորության մասին՝ գլխավոր քարտուղարը նշել է, որ «եթե այս հարցը բարձրացվի Հավաքական անվտանգության խորհրդի նիստում, դա կարող է տեղի ունենալ»։
«Առաջարկությունը սովորաբար անում է կամ նախագահող երկիրը, կամ մեկ այլ երկիր։ Այսինքն՝ պետության ղեկավարը, Հավաքական անվտանգության խորհրդի անդամները։ Այն, ինչ տեղի է ունենում, դե ֆակտո կարելի է համարել ՀԱՊԿ կանոնադրության 25-րդ հոդված, ինչը նշանակում է, որ երբ անդամավճարները չեն վճարվում և քվոտային տեղերը չեն լրացվում, քվեարկության իրավունք չկա», – հավելել է նա։
Նա պարզաբանել է, որ Հայաստանի ներկայացուցիչը մասնակցում է Մշտական խորհրդի շաբաթական նիստերին և, հավանաբար, «զեկուցում է քննարկվող բոլոր հարցերի մասին»։
Հիշեցնենք, որ երեկ Նիկոլ Փաշինյանը հայտարարել է, որ ի տարբերություն ԵԱՏՄ-ի, ՀԱՊԿ-ն ունի մեխանիզմ՝ Հայաստանին կազմակերպությունից հեռացնելու համար։