Ստեփանակերտում 200 անուն դեղամիջոցի են սպասում
- 20:17 27.07.2023
Արցախի առողջապահության նախարարության տվյալներով՝ 7 ամսից ավելի մշտական թերսնումն ու հոգեբանական սթրեսը զգալիորեն ազդում են երեխաների և հղիների առողջության վրա։ Աճել է տարբեր տարիքի մարդկանց մահացության վիճակագրությունը, եռապատկվել է վաղ փուլերում հղիության ինքնաբուխ ընդհատման ցուցանիշը։ Աճել են նյարդային հիվանդությունները.
Նախարարությունում նշել են, որ դեղերի բացակայության պատճառով բոլոր վիրահատությունները չեղարկվել են, և վիրաբուժական օգնությունը տրամադրվում է միայն խիստ անհրաժեշտության դեպքում։ Վառելիքը շտապօգնության ծառայությանը տրամադրվում է սահմանափակ քանակությամբ՝ ծանր, արտակարգ դեպքերի տեղափոխման համար։
Դեղատներում դեղեր չկան։
«Ադրբեջանական կողմը թույլ չի տալիս, որ Արցախի բնակչության համար նախատեսված մարդասիրական օգնության շարասյունն անցնի Բերձորի միջանցքով. Կոռնիձորում լռված բեռնատարների մեջ, պարենային օգնության հետ մեկտեղ, կա մի քանի տոննա դեղարայք՝ ՀՀ առողջապահության նախարարության կողմից տրամադրած, այդ թվում՝ երեխաների և մեծահասակների համար առաջին անհրաժեշտության դեղեր։ Ավելի քան 200 անուն», – նշել են Արցախի առողջապահության նախարարության մամուլի ծառայությունից։