Բացում-միացում
- 09:32 31.07.2023
«Բացում» նախաձեռնությունը հուլիսի 31-ին հրավիրում է մասնակցել Բերձորի միջանցքի բացման և հումանիտար բեռների տեղափոխման նպատակով իրականացվող գործողություններին:
Այս մասին հայտարարություն է տարածել «Բացում» քաղաքացիական նախաձեռնությունը:
«11:00-ին ՄԱԿ հայաստանյան գրասենյակի մոտ իրականացնում ենք բողոքի միջոցառում՝
ա. պահանջելու Կարմիր Խաչի (ԿԽ) բուժառու Վագիֆ Խաչատրյանի ադրբեջանական ուժերի կողմից առևանգումը դատապարտել և վերադարձնել նրան ԿԽ-ին,
բ. ստանալու հուլիսի 24-ին նախաձեռնության հանձնած դիմում-նամակի գրավոր պատասխանը,
գ. փոխանցելու Հայաստանում ՄԱԿ-ի ներկայացուցիչներին նախօրոք ձեռք բերված համաձայնությամբ հավաքված փաստեր՝ կապված Արցախում հումանիտար ճգնաժամի մասին։
-15:00-ին հրավիրում ենք ԶԼՄ ներկայացուցիչներին ՄԱԿ-ի հայաստանյան գրասենյակի դիմաց կազմակերպվող մամուլի ասուլիսի՝ նախաձեռնության կատարած և կատարելիք գործողությունների մասին»,-նշվում է հայտարարության մեջ:
Հիշեցնենք, որ Արցախում ասում են՝ միջանցքի բացումը պետք է ոչ թե ուտելիք ստանալու եւ կուշտ ուտելու, այլ մայր-Հայաստանի հետ միանալու համար։