Կոպիրկինը Պուտինին դե՞մ է գնացել. Ռուսական «կեսօր» Երևանում

Հայաստանում Ռուսաստանի դեսպան Սերգեյ Կոպիրկինը հայտարարել է, որ Ռուսաստանի և նրա ժողովրդի համար շատ բան է կախված լինելու Ռուսաստանում ընթացիկ նախագահական ընտրությունների արդյունքներից, և երկիրը շրջադարձային փուլ է ապրում։

Դեսպանն, ըստ էության, դեմ է դուրս գալիս Պուտինին, որի միակ գաղափարախոսությունը կայունությունն է, ով վերջերս հայտարարեց, որ երկիրը ոչ թե խաչմերուկում է, այլ ռազմավարական ուղու վրա։

Ի՞նչ շրջադարձային պահ է ակնկալում Կոպիրկինը։ Պուտինն արդեն հայտարարել է, որ ոմանք ցանկանում են փչացնել ընտրությունները, այն բանից հետո, երբ ռուս դիվերսանտները ընտրությունների օրերին ճեղքեցին Ռուսաստանի սահմանները և, փաստորեն, գրեթե փողոցային մարտեր են մղում Բելգորոդի մարզում։ Բացի այդ, Ռուսաստանում զելյոնկա են լցնում քվեատուփերի մեջ, հրկիզում և բողոքի քվեարկություն են անում։

Նավալնիի սպանությունից հետո, երբ մարդիկ մոտ 10 օր գալիս էին նրա գերեզմանի մոտ՝ ցույց տալով, որ ռեպրեսիվ խեղդամահը կարելի է կոտրել, իսկ Ռուսաստանում կյանքը լիովին չի մահացել, ռուս պաշտոնյաները դադարեցին թաքցնել, որ ընտրությունները կարող են շրջադարձային դառնալ։

Ռուսական ընդդիմությունն իր հերթին Յուլիա Նավալնայայի կոչով այսօր անցկացնում է «Կեսօրն ընդդեմ Պուտինի» ակցիան։ “Մենք պետք է օգտագործենք ընտրությունների օրը՝ ցույց տալու համար, որ մենք կանք, և մենք շատ ենք, մենք իրական մարդիկ ենք և դեմ ենք Պուտինին։ Դուք պետք է այցելեք ընտրատարածքներ նույն օրը և նույն ժամին՝ մարտի 17-ի կեսօրին: Ինչ անել հետո, կախված է ձեզանից: Դուք կարող եք քվեարկել ցանկացած թեկնածուի օգտին, բացի Պուտինից։ Դուք կարող եք փչացնել ձեր քվեաթերթիկը: Դրա վրա կարելի է մեծ տառերով գրել «Նավալնի»: Եվ նույնիսկ եթե ընդհանրապես իմաստ չեք տեսնում քվեարկելու մեջ, կարող եք պարզապես գալ և կանգնել ընտրատեղամասում, իսկ հետո շրջվել և գնալ տուն:

Եթե ​​անգամ ձեզ ստիպել են ավելի վաղ քվեարկել, ոչինչ չի խանգարի ձեզ մարտի 17-ին ժամը 12-ին կանգ առնել ընտրատեղամասի մոտ։ Կարեւորը գալն է։ Սա շատ պարզ և անվտանգ գործողություն է, այն չի կարելի արգելել։ Եվ դա կօգնի միլիոնավոր մարդկանց տեսնել համախոհներ և հասկանալ, որ մենք միայնակ չենք, մենք շրջապատված ենք մարդկանցով, ովքեր նույնպես դեմ են պատերազմին, կոռուպցիայի դեմ և անօրինականությանը»,- հորդորեց Նավալնայան։

«Մենք մի փոքր ուժեղացրել ենք անվտանգությունը՝ հաշվի առնելով այն հանգամանքը, որ ընտրություններն ընթանում են շատ կարևոր, բարդ քաղաքական ժամանակաշրջանում, ինչպես նաև հաշվի առնելով, որ ընտրողները կարող են ավելի շատ լինել, քան սովորաբար։ Ուստի մենք ապահովեցինք մեզ, որպեսզի ցանկացած անսպասելի իրադարձություն ժամանակին կասեցվի անհրաժեշտության դեպքում կամ կանխվի»,- այսօր ասաց Կոպիրկինը` հիշեցնելով, որ Հայաստանում հազարավոր ռուսներ կան:

Հայաստանում արդեն հսկայական հերթ է Ռուսաստանի դեսպանատան մոտ։ Ռուսական լրատվամիջոցները դա ներկայացնում են որպես Պուտինի օգտին քվեարկելու ռուսների ցանկություն։