Իրանա-իսրայելական «խաղը» փոխեց միջազգային քաղաքականության տրամաբանությունը. երեք կարևոր իրադարձություն
- 00:11 18.04.2024
«Իրան-իսրայելական պատերազմից հետո արդեն երեք կարևոր իրադարձություն է տեղի ունեցել՝ Ֆրանսիան Ադրբեջանից հետ է կանչել դեսպանին, Ռուսաստանի խաղաղապահ զորքերը դուրս են գալիս Արցախից, վաղը ՄԱԿ-ի Անվտանգության խորհուրդը քննարկելու է Պաղեստինի՝ ՄԱԿ-ի լիիրավ անդամ դառնալու պահանջը։ Կարծում եմ՝ Պաղեստինը կճանաչվի։ Եվ նաև Ուկրաինայում պատերազմը կդադարեցվի, այնուամենայնիվ, Ռուսաստանի պայմաններով»։
Այս կարծիքը հայտնեց քաղաքագետ Մանվել Սարգսյանը՝ Step1.am-ի համար մեկնաբանելով ապրիլի 17-ին Կրեմլի կողմից Լեռնային Ղարաբաղից ռուսական զորքերի դուրսբերման հաստատումը։
Քաղաքագետը չի բացառում, որ «Ռուսաստանն ընդհանրապես կլքի Հայաստանը, եթե առավելություններ ստանա Ուկրաինայում, ինչի մասին բազմիցս ասել են ռուս քաղաքագետները»։
«Ամեն դեպքում, ԱՄՆ-ի հովանավորությամբ իրանա-իսրայելական «խաղը» մեծապես փոխել է միջազգային քաղաքականության տրամաբանությունը»,- նշել է Սարգսյանը։
Ալվարդ Գրիգորյան