Հեղափոխությունից հինգ պակաս Վրաստանում
- 13:06 29.04.2024
Ըստ որոշ տեղեկությունների՝ մոտ 100 հազար մարդ այսօր դուրս է եկել Թբիլիսիի Ռուսթավելիի պողոտա՝ խորհրդարանի մոտ, որտեղ կրկին քննարկվում է «օտարերկրյա գործակալների մասին» օրենքը։ Օրենքի երկրորդ ընթերցումը կկայանա ապրիլի 30-ին, ու միգուցե այս օրը հեղափոխական դառնա։
«Ես ուզում էի ասել, թե ինչպես Վրաստանը կկորցնի առանց վիզայի ռեժիմը, եթե ընդունի «Օտարերկրյա ազդեցության թափանցիկության մասին» օրենքը, և ինձ հեռացրին նիստից, նրանք խաբում են հանրությանը»,- լրագրողներին ասել է Lelo-ի անդամ Սալոմե Սամադաշվիլին: Իրավաբանական կոմիտեի նախագահ Անրի Օխանաշվիլին նրան հեռացրել է հանձնաժողովի նիստից։
Փորձագետները նշում են, որ իշխող «Վրացական երազանքն» այլեւս չի թաքցնում իր ռուսամետ կողմնորոշումը։ Եվրոպան, Վրաստանին ԵՄ անդամակցության թեկնածուի կարգավիճակ շնորհելով, փաստացի ցույց տվեց, որ ինքը Վրաստանի ժողովրդի հետ խնդիրներ չունի, բայց ժողովուրդը պետք է լուծի իր իշխանության հարցերը։
Իվանիշվիլիի կուսակցությունը իշխում է 2012 թվականից, և մինչ այժմ նրան հաջողվել է պահպանվել նույնիսկ ամենադժվարին պայմաններում: Բայց իրավիճակն աշխարհում և տարածաշրջանում անխուսափելիորեն տանում է դեպի «հեղափոխություն»։
Գործող իշխանության քաղաքականության հետ կապված Հայաստանում տեղի ունեցող բողոքի ակցիաների ֆոնին չի կարելի բացառել, որ տարածաշրջանում քաղաքական միտումը կարող է փոխվել 180 աստիճանով։