Արցախցիները Հայաստանում կարող են իրենց մեքենաները գրանցել պարզեցված ձևով

Արցախցիները Հայաստանում կարող են իրենց մեքենաները գրանցել պարզեցված ձևով: Ինչպես նշված է կառավարության այսօր ընդունված որոշման մեջ, մեքենաները գրանցելիս նրանցից գույքահարկի պարտքերի բացակայության տեղեկանք չի պահանջվի։

Ինչպես նշված է որոշման բացատրական գրության մեջ, դա բխում է նրանից, որ Արցախի բնակիչները Հայաստան են հասցրել հազարավոր մեքենաներ, որոնց մեծ մասը դեռևս չի ձևակերպվել, այդ թվում՝ հարկերի և վճարումների վերաբերյալ փաստաթղթերի չպահպանման պատճառով։