Հայաստանը Հնդկաստանից Trajan քարշակային հաուբիցների խմբաքանակ կգնի․ The Economic Times
- 19:49 16.01.2025
Առաջիկա ամիսներին Հայաստանը Հնդկաստանից 155 մմ տրամաչափի Trajan քարշակային հաուբիցների խմբաքանակ կգնի, հաղորդում է The Economic Times-ը։
Լրատվամիջոցի տեղեկություններով, այս զինատեսակն արտադրվում է հնդկական Larsen & Toubro կոնցեռնի կողմից՝ ֆրանսիական լիցենզիայով, և հրետանային այդ համակարգի առավելագույն հեռահարությունը 39 կմ է։
Պաշտոնական Երևանն ու Դելին նման գործարքի մասին պաշտոնապես չեն հաղորդել:
Սակայն հունվարի 16-ին ՀՀ պաշտպանության նախարար Սուրեն Պապիկյանն ընդունել է Հայաստանում Հնդկաստանի արտակարգ և լիազոր դեսպան Նիլակշի Սահա Սինհային, Հայաստանում նորանշանակ ռազմական կցորդ, ՌՕՈՒ գնդապետ Մանիշ Տոլանիին և առաքելությունն ավարտող ռազմական կցորդ, բրիգադի գեներալ Նավին Նիջհավանին: