Սերգեյը հաղթանակը նվիրել է զոհված հոր հիշատակին
- 13:45 09.06.2025
Հունիսի 8-ին Թբիլիսիում կայացած Kyokushin կարատեի միջազգային առաջնությանը մասնակցել է Հայաստանի հավաքականը, որի կազմում էին նաև արցախցի երեխաներ։
Բոլոր մասնակիցները դրսևորել են բարձր մակարդակի պատրաստվածություն, ունեցել փայլուն խաղեր ու գրանցել տպավորիչ արդյունքներ։
9 տարեկան արցախցի Սերգեյը զբաղեցրել է առաջին հորիզոնականը՝ իր հաղթանակը նվիրելով 2023-ի սեպտեմբերի 19-ի պատերազմում զոհված հերոս հոր՝ Ռաֆիկ Հարությունյանի հիշատակին։ Լեգենդար հորն արժանի զավակ լինելու համար նա պատրաստ է պայքարել, առաջ գնալ ու միշտ առաջնային տեղեր զբաղեցնել։
Մեր մարզիկների ձեռքբերումները վկայում են, որ կիոկուշին կարատեն Հայաստանում գտնվում է պատշաճ մակարդակի վրա ու մեր երեխաների նորանոր հաջողությունները դեռ առջևում են։
Նշենք, որ Արցախում ևս այդ սպորտաձևը գտնվում էր բարձր մակարդակի վրա։
Կարինե Բախշիյան
