Օրտոդոքս հրեաները փորձել են մտնել Երուսաղեմի հայկական թաղամասի փակ տաճար
- 19:10 09.06.2025
Օրտոդոքս հրեաների մի խումբ փորձել է առանց թույլտվության մտնել Երուսաղեմի հայկական թաղամասի փակ տարածք՝ Սուրբ Հակոբ տաճար։ Հայերը, զգուշանալով սադրանքներից, թույլ չեն տվել նրանց դա անել։ Այս մասին հայտնել է Հին քաղաքի հայկական թաղամասի փրկության շարժման ներկայացուցիչ Գեղամ Բալյանը։
Նրա խոսքով՝ միջադեպը տեղի է ունեցել հունիսի 8-ի առավոտյան։ Երբ օրտոդոքս հրեաների խմբին ասել են, որ սա եկեղեցական մասնավոր սեփականություն է, և մուտքն արգելված է, նրանք փորձել են բախում հրահրել, և նրանցից մեկը հայտարարել է, որ «սա իրենց երկիրն է, և նրանք իրավունք ունեն գնալ այնտեղ, որտեղ ուզում են»։