Նիկոլ Փաշինյանն այսօր լրագրողների հետ ճեպազրույցում խուսափեց պատասխանել հարցին, թե ինչո՞ւ են ՀՀ-ում քրեական գործեր հարուցված արցախցի զինվորականների նկատմամբ, եթե ինքն Արցախը ճանաչել է Ադրբեջանի կազմում։ 44-օրյա պատերազի տարբեր դրվագներով դատարանի առաջ են կանգնել եւ Արցախի ՊԲ նախկին հրամանատար Միքայել Արզումանյանը, եւ այլ զինվորականներ։ «Ի՞նչ գործ ունեք դուք Արցախի հետ, եթե Արցախը ճանաչել եք Ադրբեջանի կազմում»․ հարցին Փաշինյանը խուսափեց ուղիղ պատասխանել։ «Դատավարություններ են ընթանում, թող իրավաբաններն այդ հարցին պատասխանեն, ես հարկ չեմ համարում այդ հարցերին պատասխանել, քանի որ դատավարություններն ընթանում են»,- ասաց նա։

Հարցին՝ գործեր են հարուցված միայն զինվորականների նկատմամբ, իսկ արդյոք իրավապաների կողմից չպե՞տք է քննություն իրականացվի իր վերաբերյալ, քանի որ 2020 թվականի պատերազմից հետո տվել է ՀՀ տարածքում զորքերի հետքաշման հրաման, ինչի հետեւանքով թշնամին օկուպացրել է ՀՀ ռազմավարական բարձունքներն ու տարածքները, նա պատասխանեց․ «Այդ քննությունը տեղի է ունեցել, ես այդ գործով հարցաքննվել եմ, նաեւ քննվել եմ Քննիչ հանձնաժողովում։ Ասեմ ավելին, 2021 թվականի ընտրություններին քննվել եմ նաեւ ժողովրդի կողմից։ Այսինքն՝ պատերազմի հետ կապված մի բան կա՞, որը որեւէ մեկը չգիտի։ Երբ ասում եք՝ քրեական գործեր, ձեր կարծիքով էդ քրեական գործերի մեջ ավելին կա, քան հանրությունը գիտի՞, դա թյուր կարծիք է»։

Դիտարկմանը, թե այսինքն հանրության համար ամբողջովին պա՞րզ է, թե ինչ հետեւանքներ են ունեցել իր հրամանները ՀՀ համար, նա պատասխանեց․ «Ես երբեք որեւէ հրաման չեմ տվել Հայաստանի Հանրապետության որեւէ ինքնիշխան տարածքից ՀՀ որեւէ զորքի հետքաշման մասին»։

Ուկրաինայում պատերազմը դադարեցնելու ծրագրի շուրջ ԱՄՆ-ի և Ռուսաստանի բանակցությունների մանրամասները, որոնք լրատվամիջոցներին են հասել, ստվեր են գցել մասնակիցների վրա։ Այնուամենայնիվ, դեռևս պարզ չէ, թե ինչպես են այս արտահոսքերը ազդելու բանակցությունների արդյունքի վրա։ Եվ ամենակարևորը՝ պարզ չէ, թե ով է կանգնած արտահոսքերի հետևում։

Շատ փորձագետներ փորձում են պարզել, թե ով է շահում «Թրամփի ծրագրի» ընդունումը խափանելու փորձից։ Ոմանք մատնանշում են Ռուսաստանը, չնայած բոլորը ընդունում են, որ Թրամփի ծրագիրը լիովին ձեռնտու է Պուտինին։ Մյուսները մատնանշում են Թրամփի հակառակորդներին ԱՄՆ-ում, ովքեր, հնարավոր է, արտահոսք են թույլ տվել՝ կանխելու համար, որ Թրամփը խոշոր բոնուս ստանա՝ ռուս-ուկրաինական պատերազմի կարգավորման տեսքով։

Այնուամենայնիվ, եվրոպացի առաջնորդների դիրքորոշումը կարող է ցույց տալ, որ բանակցությունները խափանելու փորձը օգուտ է բերում առաջին հերթին Եվրոպային։ Եվ չնայած Զելենսկին, որի դիրքերը խաթարվել են կոռուպցիոն սկանդալի պատճառով, համաձայնել է մեկնել Վաշինգտոն և «քննարկել Թրամփի ծրագրի ստորագրումը», եվրոպացի առաջնորդները իրենց կոշտ պայմաններն են դնում։

Ուկրաինայի դեմ պատերազմ սանձազերծած Վլադիմիր Պուտինը պետք է ընդունի հաջողության անհնարինությունը, և առանց Կիևի և Եվրոպայի մասնակցությամբ որևէ «խաղաղության համաձայնագիր» չի հանգեցնի երկարատև խաղաղության, հայտարարել է Գերմանիայի վարչապետ Ֆրիդրիխ Մերցը Գերմանիայի խորհրդարանում ունեցած ելույթի ժամանակ, հաղորդում է Reuters-ը։

Կանցլերը նաև հաստատել է, որ Բեռլինը կշարունակի Ուկրաինային ռազմական և ֆինանսական աջակցություն ցուցաբերել: Մասնավորապես, Գերմանիան մտադիր է օգտագործել սառեցված ռուսական ակտիվները՝ ուկրաինացի ժողովրդին օգնելու համար, և աջակցության ծավալը կավելանա։

Ուկրաինայում պատերազմի կրկնությունը կանխելու համար խաղաղությունը պետք է լինի արդար, և Ռուսաստանի ռազմական կարողությունները պետք է սահմանափակվեն, մասնավորապես՝ բանակի կրճատման միջոցով: Ագրեսոր երկրի կողմից զիջումները ցանկացած խաղաղության համաձայնագրի նախապայման են: Համապատասխան հայտարարությունն արել է ԵՄ արտաքին գործերի նախարար Կայա Կալասը, ըստ The Guardian-ի։

ԱՄՆ բանակի նախարար Դեն Դրիսկոլը, որին նախագահ Դոնալդ Թրամփը նշանակել է Ուկրաինայի դեմ Ռուսաստանի պատերազմը դադարեցնելու իր նոր «խաղաղության» ծրագրի առաջխաղացման պատասխանատու, փորձել է համոզել եվրոպացի արտաքին գործերի նախարարներին արագացնել ռազմական գործողությունների դադարեցումը, հաղորդում է The New York Times-ը՝ հղում անելով ներքին տեղեկատվությանը։

ԱՄՆ պետքարտուղար Մարկո Ռուբիոն իր հերթին եվրոպացի դաշնակիցներին ասել է, որ Վաշինգտոնը կհամաձայնի Ուկրաինային տրամադրել անվտանգության երաշխիքներ միայն խաղաղության համաձայնագրի կնքումից հետո, ըստ Politico-ի։

Դատելով այս հայտարարություններից՝ Վիտկոֆ-Ուշակովի ծրագիրը բախվել է դիմադրության եվրոպական փշոտ պատի/ ԵՄ-ն հասկանում է, որ այս ծրագրի իրականացումը, որը նախատեսում է օկուպացիայի օրինականացում, կբերի ռուսական քաղաքականության շարունակությանը հենց Եվրոպայում։ Միևնույն ժամանակ, ԵՄ-ն չի կարող բավական ռազմական օգնություն ցուցաբերել Ուկրաինային առանց ԱՄՆ-ի, ինչը թույլ կտա նրան հաղթել Ռուսաստանին։

ԵՄ-ն, ըստ երևույթին, ցանկանում է, որ ԱՄՆ-ն ապահովի Եվրոպայի համար անվտանգության հստակ երաշխիքներ, բայց Դոնալդ Թրամփը չունի դա անելու մտադրություն և ցանկանում է առաջ մղել Եվրոպայում բաժանման և անվտանգության իր սեփական հայեցակարգը։

Հարյուր տարի առաջ, երբ ԱՄՆ նախագահ Վուդրո Վիլսոնը առաջարկեց Առաջին համաշխարհային պատերազմից հետո Եվրոպան և Մերձավոր Արևելքը բաժանելու իր ծրագիրը, Մեծ Բրիտանիաին և Ֆրանսիաին հաջողվեց խլել նախաձեռնությունը և իրենց ձևով բաժանել աշխարհը։ Մինչ Ֆրանսիան և Մեծ Բրիտանիան բաժանում էին աշխարհը, նախագահ Վիլսոնը անսպասելիորեն հայտնվեց կաթվածահար վիճակում՝ սայլակում և վեց ամիս չկարողացավ մասնակցել բանակցություններին։

Կհաջողվի՞ Եվրոպային այս անգամ «չեզոքացնել» Միացյալ Նահանգները։

Վաշինգտոնում Սպիտակ տան մոտ ԱՄՆ Ազգային գվարդիայի երկու զինվորների վրա կրակած տղամարդը ծնունդով Աֆղանստանից է։

ԱՄՆ նախագահ Դոնալդ Թրամփը հայտարարել է, որ ներքին անվտանգության նախարարությունը «վստահ է, որ կասկածյալը 2021 թվականին է Աֆղանստանից մուտք գործել Միացյալ Նահանգներ»։ Հատուկ հայտարարության մեջ Թրամփը Ազգային գվարդիայի զորքերի վրա հարձակումն անվանել է «ահաբեկչական ակտ»։

Կրակոցից անմիջապես հետո Truth Social-ում արված գրառման մեջ Ֆլորիդայում գտնվող Թրամփը կրակողին անվանել է «չմարդ»։ Ամերիկացի առաջնորդը գրել է, որ հարձակվողը «շատ բարձր գին կվճարի» իր գործողությունների համար։

Թրամփը նաև ասել է, որ ԱՄՆ իշխանությունները պետք է ստուգեն բոլոր նրանց, ովքեր Ջո Բայդենի վարչակազմի օրոք Աֆղանստանից մուտք են գործել երկիր։

Ամերիկացի առաջնորդը նաև հաստատել է, որ Պենտագոնի քարտուղար Փիթ Հեգսեթին հանձնարարել է Վաշինգտոնում տեղակայել Ազգային գվարդիայի լրացուցիչ 500 զինծառայող։

Ավելի ուշ ԱՄՆ քաղաքացիության և ներգաղթի ծառայությունները (USCIS, DHS-ի մաս) հայտարարեցին, որ «աֆղան քաղաքացիներին վերաբերող բոլոր ներգաղթային հարցումների մշակումը անորոշ ժամանակով կասեցվում է»։

Նոյեմբերի 26-ին անհայտ զինված անձը կրակ է բացել Վաշինգտոնում, Ֆարագուտ հրապարակում, Սպիտակ տան մոտ գտնվող Ազգային գվարդիայի երկու զինվորների վրա։ Հրապարակման պահին երկու զոհերն էլ հոսպիտալացվել են ծանր վիճակում։

Հարձակվողն ինքը նույնպես վիրավորվել է փոխհրաձգության ժամանակ, սակայն գործակալության աղբյուրների համաձայն, նրա կյանքին վտանգ չի սպառնում։