Թրամփ․ Ուկրաինայում նախագահական ընտրությունների ժամանակն է
- 15:47 09.12.2025
«Ժամանակն է Ուկրաինայում նոր ընտրություններ անցկացնել», – Politico-ին տված հարցազրույցում ասել է ԱՄՆ նախագահ Դոնալդ Թրամփը։
«Նրանք պատերազմ օգտագործում են ընտրություններից խուսափելու համար, բայց կարծում եմ, որ ուկրաինացի ժողովուրդը կունենա… նրանք պետք է ունենան այդ ընտրությունը։ Եվ գուցե [նախագահ] Զելենսկին հաղթի։ Ես չգիտեմ, թե ով կհաղթի։ Բայց նրանք վաղուց ընտրություններ չեն անցկացրել։ Գիտեք, նրանք խոսում են ժողովրդավարության մասին, բայց դա հասնում է այն կետին, երբ դա այլևս ժողովրդավարություն չէ», – ասել է Թրամփը։
Լրագրողը նախագահին հիշեցրել է Թրամփի որդու խոսքերը, որը երկու օր առաջ ենթադրել էր, որ ԱՄՆ-ն կարող է դադարեցնել Ուկրաինային աջակցելը։ Նա հարցրել է, թե արդյոք դա ճիշտ է։ «Ոչ, դա այդպես չէ։ Բայց դա լիովին սխալ չէ», – պատասխանել է ամերիկացի առաջնորդը։