Խուզարկությունը կապված է 2021 թ․ իրադարձությունների հետ․ Երիցյան
- 17:03 11.12.2025
“Քրեական վարույթը, որի շրջանակներում այսօր իրականացվում է խուզարկությունը Արցախի ներկայացուցչյունում, նախաձեռնվել է 2025 թվականի հունիս ամսին և այն կապված է ենթադրյալ տնտեսական հանցագործության հետ: Խոսքը վերաբերվում է կոնկրետ իրավաբանական անձի և Հայաստանում գործող բանկի միջև կնքված վարկային պայմանագրի շրջանակներում Արցախի ներդրումային հիմնադրամի կողմից ցեսիայի պայմանագրի կնքման հետ”: Այս մասին այսօր լրագրողներին ասել է փաստաբան Ռոման Երիցյանը։
“Ցեսիայի պայմանագիրը կնքվել է ՀՀ կառավարության և Արցախի Հանրապետության կառավարության որոշման շրջանակներում: Այսինքն այստեղ բացահայտ հանցագործության տարրեր, ուսունասիրելով խուզարկության մասին դատարանի որոշումը, ես չէմ արձանագրում և առհասարակ չէմ հասկանում թե ինչ կապ ունի 2021 թվականին տեղի ունեցած տվյալ իրադարձությունը Արցախի ներկայացուցչության մշտական տեղակայման վայրի հետ:
Եթե անգամ ենթադրենք, որ կատարվել է որևէ ոչ իրավաչափ արարք, ապա այն կատարվել է ոչ Արցախի ներկայացուցչության մշտական տեղակայման վայրում: Թե ինչ բովանդակության փաստաթղտեր են փնտրում Արցախի ներկայացուցչության շենքում, պարզ չէ: Ըստ դատարանի որոշման, դա պետք է կապ ունենա իմ կողմից վկայակոչված գործողության հետ, որը կատարվել է ՀՀ կառավարության և Արցախի Հանրապետության կառավարության մշակված ծրագրերով: Այսինքն, օրինակ, ՀՀ կառավարությունը մշակել է ծրագիր, ըստ որի այն իրավաբանական անձինք, ովքեր գույք են ունեցել Ադրբեջանի տիրապետության տակ անցած Արցախի տարածքներում, կառավարության որոշման համաձայն պետք է ստանային փոխհատուցում, և Արցախի ներդրումային հիմնադրամը պետք է փոխհատուցեր բանկերին տվյալ միջոցները:
Այս բոլոր գործողությունները կատարվել են 2020-21 թվականներին և այսօր 2025 թվականի հունիս ամսին նախաձեռնված քրեական վարույթի շրջանակներում է իրականացվում խուզարկություն: Զարմանալի չէ, որ մինչև այս պահը նրանք չէն գտել գեթ մեկ փաստաթուղթ, որը կարող է ունենալ որևէ նշանակություն տվյալ վարութի համար: Ավելին՝ դետարանի որոշման մեջ նաև արծարծվում է Սամվել Կարապետյանի նկատմամբ քրեական վարույթն ու նրա տրված ցուցմունքն այս կապակցությամբ։ Հետագայում կարվի լրցուցիչ հայտարարություն”, ասել է փաստաբան Ռոման Երիցյանը։