Հայաստանը պետք է պատրաստ լինի լոկալ բլեքաութների
- 10:29 29.12.2025
Նախնական գնահատականներով՝ Երևանի մի քանի բնակելի թաղամասերի էլեկտրամատակարարումը կվերականգնվի դեկտեմբերի 29-ի 22․00-ին, ըստ «Հայաստանի էլեկտրական ցանցեր» ընկերության մամուլի ծառայության տարածած հաղորդագրության։
Նախկինում հաղորդվել էր, որ դեկտեմբերի 28-ի լույս գիշերը էլեկտրական ենթակայանում բռնկված հրդեհի պատճառով Երևանի մի քանի թաղամասեր մնացել են առանց էլեկտրաէներգիայի՝ Էրեբունի շրջանը, Սարի թաղը, Խորենացի փողոցը, Տիգրան Մեծ պողոտան և Չարենցի փողոցի մի հատվածը մնում են առանց էլեկտրաէներգիայի մինչ այս պահը։
«Էլեկտրական ցանցեր» ընկերությունը հայտարարել է, որ անջատման մասին զեկույցն ուղարկվել է իրավապահ մարմիններին, և միայն նախնական քննության ավարտից հետո կպարզվի անջատման պատճառը։
Հրկե՞տք էր, դիվերսիա, թե՞ պատահական հրդեհ։ Իրավապահ մարմինները պետք է որոշեն սա, բայց խնդիրն այն է, որ Երևանը պատրաստ չէ նույնիսկ լոկալ անջատումների. անջատման դեպքում մեկ թաղամասից մյուսը էլեկտրաէներգիան վերահասցեագրելու կամ արտակարգ պահուստային էլեկտրաէներգիա ապահովելու համար ենթակառուցվածքներ չկան։
Հարկ է նշել, որ Հայաստանում էլեկտրաէներգիայի, ջրի և գազի անջատումները գնալով ավելի հաճախակի են դառնում՝ ինչպես վթարների, այնպես էլ վերանորոգման աշխատանքների պատճառով։
Արցախցիները արդեն համեմատում են Երևանի իրավիճակը Արցախում 2022 թվականի գարնան և ամռան հետ, երբ գազի, էլեկտրաէներգիայի և ջրի անջատումները դարձան լիակատար շրջափակման նախերգանք։