Ալավերդիում աղետ է: Գիշերը տեղացած հորդառատ անձրևի պաատճառով վարարած Դեբեդն իր ճամփին քշել տարել է ամեն բան: Կապն աշխատում է խափանումներով, խոսվում է գետափնյա տներից անհետացած մարդկանց մասին: Այս մասին իր ֆեսյբուքյան էջում գրել է Հրաչյա  Պապինյանը:

ՀՀ պետական եկամուտների կոմիտեն տեղեկացնում է, որ հորդառատ անձրևների պատճառով անանցանելի են դարձել դեպի «Բագրատաշեն» պետական սահմանի անցման կետ տանող ճանապարհները։

«Հաշվի առնելով ստեղծված վիճակը՝ Կոմիտեն հորդորում է տնտեսվարող սուբյեկտներին՝ Վրաստանից դեպի Հայաստանի Հանրապետություն և հակառակ ուղղությամբ բեռնափոխադրումներն առայժմ կազմակերպել «Գոգավան» կամ «Բավրա» պետական սահմանի անցման կետերով։

Միաժամանակ, նշվածով պայմանավորված՝ արդեն իսկ ճանապարհին գտնվող բեռնափոխադրումների մասով Կոմիտեն զերծ կմնա երթուղու չպահպանման համար նախատեսված պատասխանատվության կիրառումից և վարչական վարույթների հարուցումից։ Ճանապարհների վիճակի կարգավորվելուն պես՝ Կոմիտեն լրացուցիչ կտեղեկացնի, միաժամանակ, կարող եք հետևել լրահոսին»,- հայտնում են ՊԵԿ տեղեկատվության և հասարակայնության հետ կապերի բաժինից։

Ավելի վաղ հաղորդվել էր, որ Դեբեդ գետի վարարած ջրերը այս գիշեր դուրս են եկել հունից՝ ավերածություններ կատարելով Մ-6 միջպետական ճանապարհին, ինչի հետեւանքով ճանապարհը երկկողմանի փակ է երթեւեկության համար։

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։ Դեբեդ գետի վարարման հետևանքով փակ են Ձորագետ-Ալավերդի-Քարկոփ և Բագրատաշեն-Պտղավան ավտոճանապարհները:

Արարատի մարզի Գետափնյա գյուղի մոտ գտնվող կամրջի հետիոտնի համար նախատեսված հատվածում տեղի է ունեցել մասնակի փլուզում, ինչի հետևանքով կամրջով երթևեկությունը դադարեցվել է։

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Տաշիր գետի վարարման պատճառով ջուրը լվել էՏաշիր քաղաքի փողոցները: Այս մասին հայտնում են օգտատերերը` հրապարակելով լուսանկարներ եւ տեսանյութեր:

Նշենք, որ Դեբետ գետի վարարման հետեւանքով Ալավերդիում աղետ է, կան փլուզումներ խոսում են կորած մարդկանց մասին:

Ներքին գործերի նախարարությունը տեղեկատվություն է հայտնել Դեբեդ գետի վարարման հետևանքով առաջացած դեպքերի վերաբերյալ:

ՆԳՆ ՓԾ ճգնաժամային կառավարման ազգային կենտրոնում և Լոռու մարզային ճգնաժամային կառավարման կենտրոնում 2024 թվականի մայիսի 26-ին ժամը 00։40-ից բազմաթիվ ահազանգեր են ստացվել է Դեբեդ գետի վարարման հետևանքով առաջացած դեպքերի վերաբերյալ։

Դեբեդ գետի վարարման հետևանքով Մ6 ավտոճանապարհի Վանաձոր-Ալավերդի հատվածի 31-րդ կմ-ը հեղեղվել է և մոտ 50 մ երկարությամբ հատվածը փլուզվել, Այրում կայարան Երկաթուղային փողոցում ջրալցվել են մի շարք տներ, Շնող գյուղից դեպի Թեղուտ հատվածում «Օպել» մակնիշի ավտոմեքենան ընկել է գետը (նախնական տվյալներով կա 1 զոհ), Այրում-Ալավերդի ավտոճանապարհին արգելափակվել է 1 բեռնատար (ամբողջությամբ ջրի մեջ, խցիկի վրա 2 քաղաքացի), Ալավերդի քաղաքում կան ջրալցված տներ և անասնագոմեր:
Նախնական տվյալներով 1 տարեց քաղաքացի ընկել է գետը, որոնողափրկարարական աշխատանքները շարունակվում են։

Ժ․08։00-ի դրությամբ՝

Ալավերդի համայնքի Քարկոփ բնակավայրի ճանապարհին՝ Դեբեդ գետի վրա գտնվող կամուրջը քանդվել է։ Բնակավայրը  ջրածածկված է։

Ախթալա բնակավայրի ճանապարհին՝ Դեբեդ գետի վրա գտնվող կամուրջը ջրածածկված է, հնարավոր է լինեն քանդված հատվածներ,  երկաթգիծի վրա նշմարվում են նստվածքային տեղամասեր և տապալված սյուներ։

Ալավերդի քաղաքի Մ6-ճանապարհին, Թումանյան փողոցում, Սանահին թաղամաս տանող ճանապարհին և Մ6 ճանապարհի գերեզմանների հատվածում ճանապարհը ամբողջությամբ ջրածածկված է, նկատելի են ամբողջական փլուզված տեղամասեր։ Ամբողջությամբ քանդվել է Սանահին կայարանը Ալավերդի քաղաքին կապող կամուրջը։

Շնող-Թեղուտ հատվածում գետի վարարման հետևանքով ճանապարհն ամբողջությամբ քանդվել է։
Նախնական տվյալներով Մ6-Թեղուտ հատվածում գետում առկա է ավտոմեքենա որում կա քաղաքացի։
Փամբակ համայնքում՝ Մ6-ճանապարհի Քոբայր-Ձորագետ ավան հատվածում, ճանապարհը ամբողջությամբ փլուզվել է մի քանի հատվածներում։ Տվյալ հատվածում 3 ավտոմեքենա արգելափակված է։ Ձորագետ ավանի 70 բնակիչ տարհանվել են անվտանգ տարածք։

ՆԳՆ փրկարար ծառայության ստորաբաժանումերը սպասարկում են բոլոր դեպքերը․ ներգրավվել են Լոռու մարզային փրկարարական վարչության հրշեջ-փրակարական ջոկատներից 7 մարտական հաշվարկ, 2 օպերատիվ խումբ և Տավուշի մարզային փրկարարական վարչության հրշեջ-փրակարական ջոկատներից 2 մարտական հաշվարկ և 1 օպերատիվ խումբ։

ՏԿԵՆ-ից ներկայացնում են փակ ճանապարհները և առաջարկում այլընտրանքային երթուղիներ.

Փակ երթուղիներ՝

1. Վանաձոր – Ալավերդի – Այրում – Բագրատաշեն
2. Դիլիջան – Իջևան

Այլընտրանքային երթուղիներ՝

Հայաստան – Վրաստան միջպետական երթուղի

1. «Գոգավան մ/տ» – Տաշիր – Ստեփանավան – Վանաձոր – Երևան
2. «Բավրա մ/տ» – Գյումրի – Երևան

Հայաստանի ներհանրապետական երթուղի

1. Այրում – Նոյեմբերյան – Այգեհովիտ – Տավուշ – Բերդ – Թթուջուր – Ճամբարակ – Սևան-Երևան

Sputnik. Տավուշի մարզի Կիրանց գյուղի բնակիչը Ադրբեջանի հետ սահմանամերձ գյուղ ժամանած վարչապետ Նիկոլ Փաշինյանին տուն չի թողել։

«Ի՞նչ անել, եթե սահմանն անցնում է այնտեղ, որտեղ այն անցնում է քարտեզի վրա», – տան բակում հարցրեց Փաշինյանը։

«Մեր երկիրը գնալով փոքրանում է»,- նրան ասաց բնակիչներից մեկը։

Սրան Փաշինյանն առարկեց. «Ոչ թե փոքրանում է, այլ մնում է նույնը։ Սահմանը, ըստ քարտեզների, մնացել է այնտեղ, որտեղ եղել է»։

Մի քանի այլ բնակիչներ առաջարկել են Փաշինյանին և իր ընտանիքին սահմանազատման գործընթացի ավարտից հետո բնակություն հաստատել Կիրանցում։ «Սպասիր, մենք նոր պայմանավորվել ենք քննարկել»,- ասաց վարչապետը։

Սրան էլ տան տերը, ում մոտեցել է Փաշինյանը, պատասխանել է. «Գնա ստեղից։ Ըստ ձեր քարտեզների՝ սա Ադրբեջանի տարածքն է։ Դե ուրեմն գնա՛»։

Երեւանում մայիսի 26-ի հանրահավաքից երկու օր առաջ ձերբակալվել են Ասկերանի եւ Մարտակերտի քաղաքապետեր Հայկ Շամիրյանն ու Միշա Գյուրջյանը։ Երկուսին էլ մեղադրանք է առաջադրվել ապօրինի ձեռք բերած գույքը վաճառելու համար։

Խոսքը Արցախի պետական ​​ու համայնքային մեքենաների մասին է, որոնք տեղահանությունից առաջ վերջին օրերին գլխացավանք դարձան բազմաթիվ պաշտոնյաների համար։ Կառավարության մակարդակով որոշում է կայացվել ավտոմեքենաները օտարել այն պաշտոնյաներին, որոնց նրանք ծառայում էին։ Շատերը չհամաձայնեցին սեփականաշնորհել, բայց այս մեքենաներով եկան Հայաստան՝ այն մտադրությամբ, որ հետո դրանք կհանձնեն պատկան մարմիններին։

Ենթադրվում էր, որ Հայաստանում Արցախի պետական ​​մարմինները կունենան ինչ-որ կարգավիճակ, իրավական բալանս, եւ մեքենաները կգտնեն իրենց օրինական տերերին։ Այլընտրանքը մեքենաները թշնամուն թողնելն էր։

Բայց Հայաստանում Արցախի թե՛ պետական, թե՛ մունիցիպալ մարմինները հայտարարվեցին «ազգային անվտանգությանը սպառնացող վտանգ», Արցախի ժողովուրդը հանկարծ դարձավ Հայաստանի ոչքաղաքացի, Արցախի պետական ​​և այլ ունեցվածքը ոչ միայն օրենքից դուրս ճանաչվեց, այլ, ըստ էության, յուրացված արցախցիների կողմից։

Ասկերանի և Մարտակերտի քաղաքապետերին դատում են Ադրբեջանին «պատկանածը» յուրացնելու համար։ Այս տրամաբանությամբ հնարավոր է, որ խնդրո առարկա մեքենաները Հայաստանի քննչական մարմինների կողմից առգրավվեն և վերադարձվեն Ալիևին։

Հակառակ դեպքում Հայաստանում կստեղծվեր համակարգող մարմին՝ Արցախի իշխանությունների հետ միասին, որը կզբաղվեր նման հարցերով։ Կասկածից վեր է, որ այս մոտեցմամբ պետական ​​գույք բերողներից շատերը՝ անկախ դրանից, դա արել են թշնամուն չթողնելու թե՞ պարզապես յուրացնելու համար, կներկայանային համակարգող մարմնին, թեկուզ գույքը օրինականացնելու համար։

Բայց դա չի արվել, այդ թվում, որպեսզի ճիշտ պահին հանվեն մեղադրական ապացույցները թղթապանակից։