Մարտի 13-ից իր աշխատանքներն է սկսել բռնի տեղահանված անձանց համար խորհրդատվական, տեղեկատվական աջակցման կենտրոնը, գրում է Լիաննա Պետրոսյանը։
Մարտ ամսվա 13 աշխատանքային օրերի ընթացքում թեժ գծին ստացել ենք 315 հեռախոսազանգ, իսկ սոցհարթակում և էլեկտրոնային հասցեին՝ 320 նամակ և հաղորդագրություն։
Կենտրոնին ուղղված հարցերի մոտ 45 տոկոսը վերաբերելի էր իրականացվող սոցիալական ծրագրերին, 25 տոկոսը՝ աշխատանքային ստաժի վերականգնման և այլ իրավական խնդիրներին, 20 տոկոսը՝ խորհրդատվություն, այդ թվում՝ նամակների ձևակերպում, դիմում-բողոքների կազմում, 10 տոկոսը՝ այլ տեղեկատվության հարցում։
Ընթացքի մեջ գտնվող բոլոր հարցերի հետ կապված առաջիկայում կապահովենք հետադարձ կապ։
Հիշեցում՝
Կենտրոնին կարող եք դիմել հետևյալ հարցերով՝
1. Արցախից բռնի տեղահանված մեր հայրենակիցների վերաբերյալ գործող օրենքների, որոշումների իրազեկում:
2. ՀՀ Կառավարության կողմից ընդունված որոշումների հանրամատչելի մեկնաբանում։
3. Կառավարության տարբեր մարմիններին ուղղված նամակների, դիմում-բողոքների ձևակերպում և ստացված պատասխանների մեկնաբանում։
Կենտրոնի թեժ գծի հեռախոսահամարն է
011-444443։
Ուշադրություն՝ զանգահարել կարող եք աշխատանքային օրերին՝ ժամը 10:00-18:00-ն։
Հրատապ, անհետաձգելի հարցերի դեպքում կարող եք կապ հաստատել նաև՝
Էլ. փոստի միջոցով՝ ուղարկելով նամակ
[email protected] էլ.հասցեին։