Արցախյան կազմակերպությունները հայտարարությունը կփոխանցեն ՀՀ կառավարությանը
- 18:06 20.03.2024
Ազատության հրապարակում հրավիրված հանրահավաքում Արցախի ժողովրդի իրավունքների պաշտպանության եւ կարիքների ապահովման վերաբերյալ հայտարարություն ներկայացվեց։ Այն ավելի վաղ արված միասնական հայտարարության լրամշակված տարբերակն է։ Հայտարարության տեքստը կհանձնվի ՀՀ կառավարությանը։
«Արցախյան երրորդ պատերազմում զոհված եւ անհետ կորատ զինծառայողների հարազատների միություն» ՀԿ նախագահ Արմեն Ասրյանը հայտարարեց, որ ակնկալում են, որ ՀՀ իշխանությունները երկշաբաթյա ժամկետում արդյունավետ քննարկումներ կսկսեն ու հստակ դիրքորոշումներ կհայտնեն արցախցիների խնդիրների մասին։ «Ակնկալում ենք, որ ՀՀ կառավարության կողմից հստակ կքննարկվի ու հաշվի կառնվի այս ամենը»,- ասաց նա։