Ի՞նչ են ուզում Արցախի պատգամավորները, որ ռուսները դուրս չգա՞ն Արցախից

“Ստիպված ենք ցավով ու ափսոսանքով արձանագրել, որ Եռակողմ հայտարարությունը ստորագրած բոլոր կողմերի համար Արցախի ժողովրդի ճակատագիրը դարձավ երկրորդական նշանակության խնդիր, որի պատճառով 2023թ. սեպտեմբերին Արցախն ամբողջովին հայաթափվեց”,- կարծում են պատգամավորները, որոնք մինչ օրս օժտված են Արցախի ժողովրդի մանդատով եւ կարող են ցանկացած որոշում ընդունել:

Անհասկանալի է, թե ի՞նչ են ուզում դեպուտատները՝ որ ռուսները մնա՞ն եւ “պահեն” Արցախը՝ մինչեւ հայերի վերադարձը հաստատվի։ Նրանք նախատում են Մոսկվային, որ նախապես Արցախի խորհրդարանին չեն տեղեկացրել որոշման մասին, ասելով, որ ռուսների դուրս բերումը ինչ-որ բան է վտանգելու Արցախում։

Նախկին պետնախարար Արտակ Բեգլարյանը նշում է, որ «եթե արցախցիները ռուս խաղաղապահների ներկայությամբ բռնի տեղահանվել են, և Ռուսաստանը գործողություններ չի կարողացել անել կամ չի արել դա կանխելու համար, արդեն նշանակում է, որ վերադարձի համար լրացուցիչ գործոններ պետք է ավելացվեին, կամ միջազգային պաշտպանության նոր մեխանիզմներ գործարկվեն»:

«Արդարություն», «ՀՅ Դաշնակցություն», «Արցախի ժողովրդավարական կուսակցություն» խմբակցությունները չեն խոսում նոյեմբերի 9-ի ի սկզբանե անօրեն հայտարարության չեղարկման մասին, չեն խոսում, որ Արցախի առնվազն երեք շրջան հանձնվել է ըստ այդ հայտարարության, իսկ մնացած տարածքը գրավվել է բիրտ ուժով, այդ թվում՝ ՌԴ մասնակցությամբ։ Չեն խոսում, որ Ռուսաստանի առաքելությունը՝ հենց Արցախի օկուպացիան եւ հայաթափումն էր։ Եւ երբ ռուսները Արցախի խորհրդարան օրենք էին բերում ռուսաց լեզուն պաշտոնական հռչակելու մասին, պետք էր ոչ թե ընդունել այն, այլ քաղաքական գնահատական տալ նման քայլին։ Նույնիսկ հիմա պատգամավորները չեն պահանջում միջազգային լեգիտիմ երաշխիքներ, կառչելով ռուսներից։

Կարո՞ղ է ուզում են, որ ռուսները իրենց է՞լ հետները տանեն։ Море рядом, топитесь