Աշխարհը հռհռում է Հայաստանի վրա․ տատս էլ կարող է այդպես հարց լուծել

Թուրքիայի ԱԳՆ-ն, հետևելով Բաքվին, ողջունել է “Հայաստանի կողմից 4 գյուղերի հանձնումը”։ Իսկ Բաքվի պաշտպանության նախարարն արդեն հանձնարարել է զորքերին պատրաստվել «սահմանազատման»։

Ըստ երևույթին, «սահմանազատումը» տեղի կունենա այնպես, ինչպես Գորիս-Կապան ճանապարհին, Ջերմուկի և Տեղ գյուղի մոտ, երբ ադրբեջանցիները պարզապես եկան և անցակետ տեղադրեցին, որտեղ իրենց հարմար էր։ Հնարավոր է, որ դա տեղի ունենա շատ շուտով, բառիս բուն իմաստով մեկ գիշերվա մեջ, մանավանդ որ Փաշինյանն անձամբ է երաշխիքներ տվել։

Դիտարկմանը, որ 4 գյուղի հարցը լուծվում է առանց կարգավորման վերջնական սկզբունքների հաստատման, Փաշինյանն ասաց. «Այո՛, այս 4 գյուղերը տրվում են որպես նախնական գործողություններ, բայց կարգավորման հիմնական սկզբունքները համաձայնեցված են»։

Փաշինյանն ասում է, որ թեև Ադրբեջանը շահեց, բայց Հայաստանն էլ իբր որոշ խնդիրներ լուծեց։ Ինչպես ասում են, տատս էլ կարող է նույն կերպ խնդիր լուծել՝ այգին տալ հարեւաններին և հայտարարել, որ սա «պիլոտային նախագիծ» է, իսկ շուտով նա կտա նաև հավի տնակը։

Համաշխարհային հանրությունը հռհռում է Հայաստանի վրա՝ Բլինքենը, Բերբոկը, Շոլցը և նույնիսկ Լավրովը ծափահարում են Փաշինյանին և լուրջ դեմքով ասում, որ աշխարհի ամենագլխավոր փաստաթուղթը Ալմա-Աթայի հռչակագիրն է, և Փաշինյանն ամեն ինչ ճիշտ է անում։ Դա ձեր ընտրությունն է, ասում են հայերին։ Վայելե՛ք։