Հայաստանը պետք է հրապարակայնորեն մեղադրի Բաքվին Արցախում մարդու իրավունքների կոպիտ խախտումների մեջ
- 10:56 28.04.2024
«Խնդիրն այն չէ՝ տալ կամ չտալ գյուղեր, որոնք, ըստ Ալմա-Աթայի հռչակագրի, Հայաստանին չեն պատկանում, եթե այդպիսիք կան: Հարցը միակողմանի զիջումների չգնալն է։ Նրանք կարող են ընկալվել այնպես, կարծես Հայաստանը օկուպացրել է Ադրբեջանի տարածքները և այժմ ճնշումների ներքո զիջում է դրանք։ Բաքուն դրանում համոզում է միջազգային հանրությանը։ Հայաստանի իշխանությունները կարող են մտածել, որ այդպիսով ժողովրդին պաշտպանում են ռազմական ագրեսիայից, բայց իրականում նման քաղաքականության միջոցով մենք փորում ենք մեր սեփական գերեզմանը։ Զիջումները նախանշում են ապագա ռազմական էսկալացիա»,- Step1.am-ի հետ զրույցում ասել է Արցախի Հեղափոխական կուսակցության նախագահ Արթուր Օսիպյանը։
Օսիպյանը կարծում է, որ «Հայաստանը պետք է հրապարակայնորեն մի շարք արդարացի մեղադրանքներ առաջադրի Բաքվին՝ բարձրացնելով Լեռնային Ղարաբաղում միջազգային պարտավորությունների և մարդու իրավունքների կոպիտ խախտումների հարցը։
Միայն քաղաքական կամքով հայկական կողմը կկարողանա կասեցնել իր մեղքերը Հայաստանի վրա բարդելու Ադրբեջանի փորձերը”։
Ալվարդ Գրիգորյան