Ո՞ր ուժերն են պատրաստ հրաժարվելու սովետական անցյալից

Բայց այդ պնդման մեջ կան խութեր: Վտանգավոր խութեր: Երկիրն այս վիճակից դուրս բերելու համար հարկավոր են հստակ քայլեր:

Բազմիցս նշել ենք, որ խնդիրը X անձի փոխելը չէ: X անձը խնդիրներից մեկն է: Համընդհանուր խնդիրը դա` ներկա համակարգի փոփոխություն է: Ռուս-թուրքական սինթեզ համակարգի փոխման խնդիր կա, որպեսզի այլևս երբեք նիկոլներ չծնվեն:

Նիկոլի հեռացումից հետո, համակարգի փոփոխության հասնելու համար արտահերթ ընտրությունները չեն կարող անմիջապես անցկացվել: Այս մեխանիզմով մենք չենք հասնի համակարգային փոփոխության, ինչպես չհասանք 2018-ին, և որի շնորհիվ հասանք այս վիճակին։

Ինչպես բազմիցս ասել ենք, մեզ անհրաժեշտ է անցումային հակաճգնաժամային ժամանակաշրջան, որի ժամանակ արմատախիլ կանվեն բոլոր այն ծիլելը, որոնք սնում են այս ապապետական համակարգը: Դա պարզապես անհրաժեշտություն է, առանց որի մենք դուրս չենք գա այս պերմամենտ քաոսային վիճակից:

Նոր որակի ընտրություններում չպետք է մասնակցեն հետխորհրդային գաղափարախոսության ուժեր: Դա կբերի նոր աղետների:

Վերադառալով «Եկեք համախմբվենք, Նիկոլին հեռացնենք, հետո որոշենք ապագան»-ին:

Ո՞ր ուժերն են պատրաստ համակարգի ախտահանման միջոցառումներին, որի ընթացքում արմատախիլ կարվեն ռուսական գործակալական ցանցային կառույցները:

Ո՞ր ուժերը և անձերն են պատրաստ հրաժարվելու սովետական անցյալից` անցնելով ապակոմունիզացիայի քավարանով և վերադառալով առաջին հանրապետության իրավահաջորդությանը:

Այս վերոնշված կետերը իմ կամ Բևեռի քմահաճույքները չեն: Սրանք միակ ձևաչափն է, որով անցնելով Հայաստանը կկագնի պետականաշինության և հասարական ներդաշնակության ռելսերի վրա:

Ես համախմբման կողմնակից եմ, և այո` «Եկեք համախմբվենք, Նիկոլին հեռացնենք»: Բայց շատ կարևոր է ՀԵՏՈ-ն:

Մենք իրավունք չունենք կրկնել անցյալի սխալները: