Միրզոյանը զանգահարել է Կուլեբային, բայց Հայաստանի հետ ոչ ոք այլեւս հաշվի չի նստում

Մայիսի 2-ին Արարատ Միրզոյանը հեռախոսազրույց է ունեցել Ուկրաինայի արտաքին գործերի նախարար Դմիտրի Կուլեբայի հետ։ Միրզոյանը նշել է Հայաստանի և Ադրբեջանի միջև հարաբերությունների կարգավորման կարևորությունը, ներառյալ «1991 թվականի Ալմա-Աթայի հռչակագրին նվիրվածությունը և այդ հարցում միջազգային գործընկերների, այդ թվում՝ Ուկրաինայի ԱԳՆ-ի դիրքորոշման կարևորությունը»:

Արարատ Միրզոյանը երեկ դժգոհեց, որ Բաքուն չի ցանկանում Ալմա-Աթայի հռչակագիրը ներառել Բաքվի և Երևանի միջև այսպես կոչված «խաղաղության պայմանագրի» տեքստում։ Մինչդեռ այս հայտարարությամբ է, որ Փաշինյանը գոնե ինչ-որ կերպ կոծկում է ամոթը՝ Արցախի, Տավուշի գյուղերի հանձնումը և Հայաստանը վերացնելու վերջնական ակտը։

Երեկ Փաշինյանը երեք ժամ հեռուստատեսությամբ խոսեց, որ Ալիևը համաձայնել է Ալմա-Աթային, բայց Արարատ Միրզոյանը վերցրել է ու ամեն ինչ փչացրել։ Փաշինյանի կողմից խնամքով կառուցված նկարը բոլորի աչքի առաջ փլվեց, քանի որ անմիջապես հարց առաջացավ՝ եթե Ալիևը չի ընդունում Ալմա-Աթայի հռչակագիրը, ապա ինչի՞ հիման վրա են հայկական գյուղերը հանձնվում։ Եւ ինչո՞ւ Հայաստանը դուրս չի գալիս այս գործընթացից։ Այդ իսկ պատճառով այսօր առավոտյան Փաշինյանը հատուկջոկատայիններ ուղարկեց Կիրանց և սկսեց «Օղակ» օպերացիան՝ գլուխկոտրուկը նորից հավաքելու համար։

Մոսկվան և Ալիևը չեն հիշատակում Ալմա-Աթայի հռչակագիրը, քանի որ ինչ-որ պահի դա կարող է վերագրվել Ղրիմի և Դոնբասի խնդրին, որոնք, ըստ Ալմա-Աթայի հռչակագրի, պատկանում են Ուկրաինային։ Իզուր չէ, որ Բլինքենը և ֆոն դեր Լեյենը ձևացնում են, թե իրենք միշտ հարգել են Ալմա-Աթայի հռչակագիրը:

Բայց Կիևը շահագրգռված չէ Բաքվին որևէ քայլ պարտադրել։ Նախագահ ընտրվելուց անմիջապես հետո Վլադիմիր Զելենսկին, ինչպես գիտեք, SOCAR բենզալցակայանի դիմաց լուսանկարվել է՝ դոները ձերքին։ Պաշտոնական Կիևը չի թաքցնում, որ իր իսկական ընկերներն են Էրդողանը, Ալիևը և Իսրայելը։ Իսկ Հայաստանի հետ ոչ ոք այլեւս հաշվի չի նստում՝ Ալմա-Աթայի հռչակագրով կամ առանց դրա, բոկորը կարծում են, որ Հայասըանի օրերը հաշված են։ Այդպիսին է հայ ժողովրդի ընտրությունը, ասել են Բլինքենն ու Լեյենը։

Փաշինյանը, ըստ երևույթին, բղավել է Միրզոյանի վրա և հրամայել զանգահարել Կուլեբային, որպեսզի, մերժում ստանալով նրանից, ասի, որ քանի որ «Ալմա-Աթայի հռչակագիրը» կարևոր չէ Ուկրաինայի համար, ուրեմն՝ Ռուսաստանի Դաշնության Գլխավոր շտաբի քարտեզները բավական կլինի Հայաստանը քանդելու համար։ Չեք ուզում՝ դուք գիտեք։

Հավանաբար Կուլեբան Միրզոյանի հետ քննարկել է, թե SOCAR-ը Կիրանցի մոտ որտե՞ղ կարող է գազալցակայան կառուցի։ Իսկ Փաշինյանը մտածում է՝ Միրզոյանին վռնդե՞լ, թե՞ ոչ ոք չի նկատելու, որ քամին տարել է թզենու տերեւը։

Նաիրա Հայրումյան