Վրաստանը հեղափոխության շեմին. ամենախոշոր ցույցը

Մայիսի 11-ին Թբիլիսիում տասնյակ հազարավոր մարդիկ մասնակցեցին «Եվրոպայի երթին»՝ ցույցին ի պաշտպանություն ԵՄ-ում Վրաստանի ապագայի և ընդդեմ «Թափանցիկության մասին» «ռուսական օրենքի» նախագծի ընդունման: Բողոքի ակցիան տեղի է ունեցել օրինագծի հակառակորդների վրա հարձակումներից, ինչպես նաև սպառնալից կոչերից ու վիրավորական հաղորդագրություններից հետո:

Երթի մասնակիցները շաբաթ օրը հավաքվել են Թբիլիսիի կենտրոնի մի քանի կետերում, որտեղից շարժվել են դեպի Եվրոպայի հրապարակ՝ քաղաքի հին հատվածում։

Մայիսի 11-ին Թբիլիսիում անցկացված արտասահմանյան գործակալների մասին օրենքը չեղարկելու պահանջով եվրոպամետ հանրահավաքը դարձավ Վրաստանի նորագույն պատմության մեջ ամենախոշոր ցույցը։

«Առնվազն 200,000 մարդ ներկա էր, բայց ընդհանուր օրվա ընթացքում այդ թիվը, հավանաբար, ավելի մոտ էր 300,000-ին», – գրում է Visioner-ը:

«Օտարերկրյա գործակալների» մասին օրենքի հակառակորդները մայիսի 12-ի լույս 13-ի գիշերը կանցկացնեն Վրաստանի խորհրդարանի շենքի մոտ։ Այս մասին Եվրոպայի հրապարակում բազմահազարանոց ցույցի մասնակիցներին ասել է գրող Լաշա Բուգաձեն։

Մայիսի 13-ին, Թբիլիսիի ժամանակով ժամը 9-ին, նախատեսված է խորհրդարանի իրավական հանձնաժողովի նիստը, որում սկանդալային նախաձեռնությունը կքննարկվի երրորդ ընթերցմամբ։ Նստաշրջանի նիստը և երրորդ ընթերցմամբ քվեարկությունը խորհրդարանում պետք է տեղի ունենա մայիսի 14-ին։

Ինչ արդյունք էլ լինի, Վրաստանում տեղի կունենա հեղափոխություն՝ կա՛մ դա կլինի եվրոպական հեղափոխություն՝ գործող իշխանության հրաժարականով, կա՛մ իշխանությունը ներքաղաքական հեղաշրջում կիրականացնի ու բացարձակ դիկտատուրա կհաստատի։