Գիշերային անկարգություններ Բիշքեկում. ի՞նչ կապ ունեն դրա հետ Հնդկաստանն ու Պակիստանը

ВВС

Մարտի 18-ի գիշերը Ղրղզստանի մայրաքաղաքում աշխատանքային միգրացիայի դեմ բողոքի ցույցը վերաճել է անկարգությունների, որոնց ընթացքում տուժել է գրեթե 30 մարդ, տասնյակ մարդիկ ձերբակալվել են։

Ինքնաբուխ բողոքի ակցիան հաջորդել է զանգվածային ծեծկռտուքին, որը տեղի է ունեցել մայիսի 13-ին Բիշքեկի հանրակացարաններից մեկի հյուրերի եւ տեղացիների միջև։

Մայիսի 17-ի առավոտյան սոցիալական ցանցերում տարածվել է մայիսի 13-ին տեղի ունեցած ծեծկռտուքի տեսանյութը՝ վրդովմունքի ալիք առաջացնելով տեղի բնակիչների շրջանում։

Մայիսի 17-ի երեկոյան հանրակացարանիմոտ հավաքվել էին մի քանի հարյուր (տարբեր տվյալներով՝ 100-ից 300) տեղացի բնակիչներ, ովքեր ցանկանում էին «գործ ունենալ» օտարերկրացիների հետ հանրակացարանում տեղի ունեցած զանգվածային ծեծկռտուքից հետո։

Հավաքվածները, ըստ 24.kg-ի, պահանջում էին ուժեղացնել հսկողությունը օտարերկրացիների նկատմամբ։

Տեղական լրատվամիջոցները հայտնում են, որ ժամը 1-ի դրությամբ բողոքի ակցիայի մասնակիցների թիվը հասել է հազար մարդու:

Մայիսի 18-ի գիշերը տեղի ունեցած անկարգությունների ժամանակ տուժել է առնվազն 29 մարդ, հայտնել է Ղրղզստանի առողջապահության նախարարությունը, որոնցից մեկը Պակիստանի քաղաքացի է, ում մոտ ախտորոշվել է ծնոտի կոտրվածք։

Ղրղզստանի մայրաքաղաքում գիշերային անկարգություններից հետո Բիշքեկում Պակիստանի դեսպանատունն իր քաղաքացիներին խորհուրդ է տվել մնալ տանը, քանի դեռ իրավիճակը չի կարգավորվել։

Բիշքեկում Հնդկաստանի դեսպանատունը նույնպես նման հաղորդագրություն է տարածել իր քաղաքացիների համար: «Ուսանողներին խորհուրդ է տրվում առայժմ մնալ տանը, և եթե որևէ խնդիր առաջանա, դիմեք դեսպանատանը», – ասվում է դեսպանատան հաղորդագրության մեջ, որը մեջբերում է 24KG News of Kyrgyzstan հեռագրային ալիքը: