Արցախցիների՝ ՀՀ քաղաքացիության դիմումները արտահերթ ռեժիմով կընդունվեն

Ազգային ժողովում ՆԳ նախարարի տեղակալ Արփինե Սարգսյանն ասաց, որ այսօրվա դրությամբ ժամանակավոր պաշտպանության վկայականներ է ստացել Արցախից բռնի տեղահանված 96 696 քաղաքացի, հաշվառման են կանգնել 83 942-ը։ ՀՀ քաղաքացիության համար դիմել է 2075 անձ, նրանցից արդեն իսկ քաղաքացիություն է շնորհվել 1437 անձի։ «Ես նշեմ, որ մեր հայրենակիցներն արտահերթ ռեժիմով են քաղաքացիության դիմումների մասով սպասարկվում, որովհետեւ, եթե գնանք ստանդարտ ճանապարհով, յուրաքանչյուր դիմումի կարող ենք հատկացնել շուրջ 3 ամիս ժամանակ։ Բայց այս պահի դրությամբ աշխատում ենք մեկ ամսվա ընթացքում եզրափակել այս դիմումները եւ կարողանանք ավարտական ակտերը հասցնել մեր հայրենակիցներին»,- ասաց Արփինե Սարգսյանը։