Պարզվում է, որ 2020 թվականին տեղահանվածներիս հասնում է 10 միլիոնի սերտիֆիկատ ու ժամկետը վերջանում է հուլիսի մեկին
- 09:06 10.06.2024
Ֆեյսբուքյան օգտատեր Անի Հայրապետյանը գրում է.«Քանի որ թեման շատ խորն է և ուսումնասիրության կարիք ունի ու միայն իմ անձնական հարցը չէ, գրում եմ հանրային ու խնդրում բոլոր պատասխանատու մարդկանց նշել, որ մեր հարցը լուծվի:
Ուրեմն մենք տեղյակ չենք եղել, որ 2023 թվականին բռնի տեղահանվելով` համարվել ենք 2020 թվականի Շուշիիից բռնի տեղահանված մարդկանց բնակարանային ապահովման 10 մլն դրամ սերտիֆիկատի շահառու, ( որպես նաև Բաքվից փախստականի ընտանիք, նաև շահառու են վերաբնակիչները) վստահ եմ, շատերդ չգիտեք դրա մասին ու դուք էլ եք շահառու ու այդ սերտիֆիկատի ժամկետը լրանում է հուլիսի 1 ին:
Երեկ լրացնում եմ հայտը, որ ստուգեմ հաստատ շահառու եմ թե չէ, ( ինչքան փորձեցինք 2020 թվի տեղահանվածների սերտիֆիկատի շահառուների օղակը ճշտել, չհասկացանք, չգտանք ինֆո ): Լրացրեցի: Պարզվեց, որ շահառու ենք
4 ընտանիք` 1 սերտիֆիկատի տակ:
10 մլն դրամ 4 տարբեր ընտանիքի համար, որտեղ 2020 թվից հետո ծնվել են երեխաներ, մեկը ճանապարհին է, ու բոլորը առանձին ընտանիքներ են: 2023 թվականին տեղահանվելուց հետո ապրում ենք տարբեր քաղաքներում:
Հայտը կիսուրիս անվանի է` շահառուների ցանկում նա իր ամուսնու հետ, նրանց 3 տղաները ընտանիքների հետ: Նույնիսկ Շուշիում մենք միասին չենք ապրել (հիմա ով է՞ պատրաստ մեզ օգնել իրավական ճանապարհով կամ առանձնացնել այդ սերտիֆիկատները կամ հրաժարվել, ու որպես առանձին ընտանիքներ սպասենք 23 թվականի տեղահանվածների բնակարանային ապահովման ծրագրին: Ես չգիտեմ, այստեղ ելքը որն է, միայն գիտեմ, որ 12 հոգի չենք կարող մի տուն գնել 10 միլիոնով և դա տուն համարվի: