Արցախցիների հետ հանդիպում են դրսում․ ուրիշ ձեւաչափ չկա՞
- 20:00 25.06.2024
ՀՀ աշխատանքի և սոցիալական հարցերի նախարարություն-ը հայտնում է, որ մեկնարկել է «Աջակցություն Լեռնային Ղարաբաղից բռնի տեղահանված բնակչության սոցիալականացմանը» ծրագիրը՝ ուղղված հայրենակիցների շրջանում իրազեկվածության բարձրացմանը, սոցիալականացմանը, ոչ ֆորմալ կրթության ու զբաղվածության խնդիրների լուծմանը. նախաձեռնությունն իրականացվում է Աշխատանքի և սոցիալական հարցերի նախարարության և «ԼՈՖԹ» ՀԿ-ի համագործակցությամբ։
Հանդիպման ընթացքում ԱՍՀ նախարարի տեղակալ Աննա Ժամակոչյանը խոսել է նաև ԼՂ-ից բռնի տեղահանված անձանց կեցության և այլ ծախսերը հոգալու նպատակով նախատեսված 40+10 հազար դրամ միջոցառման, ինչպես նաև բնակարանային ապահովման պետական աջակցության ծրագրերի մասին։ Նրա խոսքով՝ պետության կողմից իրականացվող ծրագրերի նպատակը հայրենակիցներին հնարավորություն տալն է իրենց ապագան կառուցել Հայաստանում։
Փոխարտգործնախարարի հանդիպումները եւ օգնելու փորձերն, իհարկե, ողջունելի են, սակայն ակնհայտ է, որ ՀՀ կառավարության եւ արցախցիների միջեւ շփումների նման ձեւաչափը՝ դրսում, թեկուզ Լոֆտում որ ոչ միայն անարդյունավետ է, այլեւ նվաստացուցիչ։ Նման ձեւաչաձով հանդիպումները միայն ընդգծում են այն փաստը, որ 9 ամիսների ընթացքում ՀՀ կառավարությունը՝ Արցախի տեղական կամ այլ ընտրված իշխանությունների, հանրային հեղինակություն վայելող գործիչների հետ համատեղ չի կարողացել կամ չի ցանկացել ստեղծել որեւէ մի մարմին, որտեղ կկենտրոնանան արցախցիներին հուզող հարցերը եւ ավելի հեշտ կլինի գտնել լուծումները։
Նման կարգի հանդիպումները վիրավորում են արցախցիների արժանապատվությունը, քանի որ արցախցիները պետականության հազարամյակների չընդհատված ավանդույթներ ունեն։ Այժմ նրանք հնարավորություն չունեն ինքնակազմակերպվելու եւ ինքնակառավարվելու, իսկ ՀՀ իշխանությունները միայն դիստանցիոն եւ նման նվաստացուցիչ հանդիպումների միջոցով են առնչվում արցախցիների հետ։ Քիչ է մնում պաշտպանիչ դիմակ դնեն։ Մի օր արցախցիների ավանդույթները կարթնանան։ Երեւի։
