“Սերունդ” համահայկական հիմնադրամ. միացեք

«Սերունդ» ծնելիության խթանման համահայկական հիմնադրամի նպատակն է ծնելիության խթանմամբ հասնել հավակնոտ թվացող բնակչության բարձր թվի, պահպանել գենետիկ ֆոնդը: Հիմնադրվել է 2021թ. հունվարի 21-ին։

Բացի շատ երեխաներ ունենալու գաղափարաբանական կարևորության առաջմղումից և տարածումից, հիմնադրամը իրականացնում է նաև սոցիալական ծրագիր․ սկսելեն Արցախի համեմատաբար փոքրաթիվ բնակավայրերից՝ յուրաքանչյուր նոր ծնված երեխային 16 տարի 8 ամիս շարունակ տրամադրելով ամսական 50000 դրամ:

Հիմնադրամը իր առջև խնդիր է դրել ստեղծել ԱՄԵՆԱՄՍՅԱ նվիրաբերողների համայնք՝ ձգտելով մասնակից դարձնել 12 մլն աշխարհահայության, ինչպես նաև հայերին բարեկամ համարողներին՝ կարևորելով ոչ թե նվիրաբերվող գումարի չափը, այլ նվիրաբերող մասնակիցների թիվը:

Գործարկվել է serund.am հարթակը, որտեղ յուրաքանչյուր հայ մարդ՝ աշխարհի ցանկացած վայրից կարող է կայքում տեսանելի գործունեություն ծավալել՝ մեծացնելով ամենամսյա նվիրաբերողների համայնքը:

Հիմնադրամի կայքը հնարավորություն է տալիս յուրաքանչյուրին, աշխարհի ցանկացած վայրից ԱՄԵՆԱՄՍՅԱ նվիրաբերող դառնալ  քարտային համակարգից՝ դրամային փոխանցում կատարելով «Սերունդ» հիմնադրամին: Կայքում նույն պահին երևում է արդեն փոխանցված գումարի չափը, փոխանցող անձի բաժանորդային կոդը և եթե չի նշվել ՝՝անանուն փոխանցում՝՝, ապա նաև անունը։

Սոցիալական ծրագիրը մեկնարկել էր Արցախի Չարեքտար և Եղցահող համայնքներում: Այժմ գործունեությունը շարունակվում է Սյունիքում՝ սահմանամերձ Կոռնիձոր համայնքում, որտեղ այսուհետ ևս բոլոր նոր ծնված երեխաների ընտանիքները, որոնք կշարունակեն բնակվել իրենց համայնքում, կդառնան հիմնադրամի շահառուներ՝ 200 ամիս շարունակ ստանալով ամսական 50000 դրամ։

Նախաձեռնությանը միանալու համար անհրաժեշտ է անցնել հետևյալ հղումով`

https://serund.am https://web.facebook.com/serund.am

Գործընթացին միանալու համար դիտեք այս տեսահոլովակը`

https://www.facebook.com/100064817736047/posts/508281761342411/?vh=e