ՊՆ-ն հերքում է Իրանից անօդաչուներ գնելու մասին լուրերը

ՀՀ պաշտպանության նախարարությունը մտացածին և հորինված է որակում տարածվող լուրերը, թե Հայաստանն Իրանի հետ 500 միլիոն դոլարի սպառազինության ձեռքբերման պայմանագիր է ստորագրել։

Հարցին, թե ինչպես կմեկնաբանեն Iran International կայքի տարածած այն տեղեկատվությունը, թե Հայաստանն ու Իրանը 500 միլիոն դոլարի սպառազինության ձեռքբերման գաղտնի պայմանագիր են ստորագրել, ՊՆ խոսնակը պատասխանեց, որ մտացածին ու հորինված բովանդակությամբ հրապարակումներին իրենք չեն արձագանքում։

Iran International-ը ստացել է ռազմական ապրանքների բացառիկ ցանկը, որոնք Իրանը մտադիր է մատակարարել Հայաստանին։ Սա ներառում է անօդաչու թռչող սարքեր, ինչպիսիք են Shahed 136, Shahed 129, Shahed 197, Mohajer, ինչպես նաև ցամաքային-օդ հրթիռային համակարգեր, ինչպիսիք են 3rd Khordad, Majid, 15th Khordad և Arman: