Այն, ինչ կատարվում է այս օրերին Ռուսաստանում, շատ նման է նրան, ինչ կատարվեց գրեթե մեկ տարի առաջ Արցախում:

Այն, ինչ կատարվում է այս օրերին Ռուսաստանում, ևս մեկ անգամ ապացուցում է մեր կողմից բազմիցս հնչեցրած այն փաստը, որ աշխարհաքաղաքական ասպարեզում Հայաստանին մնացել է երկու ընտրություն՝ Թուրքիա կամ Արևմուտք։

Իշխանափոխությունից և այս Փաշինյանի հեռացնելուց հետո, ով հստակ ընտրել է թուրքացման ճանապարհը, ոչ մի նորմալ էակ կամ քաղաքական գործիչ չի կարող խաղադրույք կատարել Ռուսաստանի Դաշնության հետ դաշինքի վրա: Դա կնշանակի ինքնասպանություն։ Քանի որ Ռուսաստանի հետ դաշինքը Թուրքիայի և Ադրբեջանի վասալությունն է: Ռուսաստանը լքում է ոչ միայն մեր տարածաշրջանը, հանձնելով այն Թուրքիային, այլ նաև Ռուսաստանը լքում է իր սեփական տարածքները: Հետեւաբար, երբ ընտրում եք Ռուսաստանը, ընտրում եք Թուրքիան։ Լինելով ռուսամետ, դուք` թուրքամետ եք:

Այլևս ԽՍՀՄ չի լինելու, դուք այն ժամանակվա պես ամեն տարի չեք գնալու Եվպատորիայի սանատորիաներ: Հայաստանը չի լինելու ՌԴ մաս, քանզի ՌԴ-ն կարող է մասնատվել: Մնալով ռուսական գաղութ, Հայաստանը փոխանցվելու է Թուրքիային:

Այն, ինչ կատարվում է այս օրերին Ռուսաստանում, շատ նման է նրան, ինչ կատարվեց գրեթե մեկ տարի առաջ Արցախում: Ռուսական բանակը նույնիսկ չկարողացավ պաշտպանել իր քաղաքացիներին, իսկ դուք հույս ունեիք, որ նրանք կպաշտպանեն Հայաստանի քաղաքացիներին մարզ Արցախում։ Ես չեմ ցավում Կուրսկի շրջանից տարհանվածների համար, քանի որ ամեն օր իմ աչքերի առջև են Գորիսի փողոցներում Արցախից տարհանված ժողովրդի կադրերը: Այն ժողովրդի, որոնց հանձնեցին հենց այդ նույն ռուսները:

Ուստի ևս մեկ անգամ կրկնեմ. Հայաստանին մնացել է երկու ընտրություն՝ դաշինք Թուրքիայի կամ Արևմուտքի հետ։

Սա պետք է գիտակցի «Սրբազան պայքար» շարժումը և ավելի հստակեցնի իր աշխարհաքաղաքական տեսլականը: Քանզի այլընտրանք չկա: Այլընտրանքը` թուրքացումն է:

Բևեռն իր ընտրությունը կատարել է: Այդ ընտրությունը Արեւմուտքի հետ ամուր դաշինք է։: Բևեռը միշտ մնալու է առաջնագծում: