Ինչո՞ւ է Փաշինյանը հեծանիվ քշում և ի՞նչ է լինելու խնձորից հետո
- 20:12 25.08.2024
Լուսանկարը՝ armtimes.am
Նիկոլ Փաշինյանի և նրա կնոջ անսպասելիորեն բռնկված մոլագար կիրքը հեծանիվ վարելու նկատմամբ շատերի մոտ տարակուսանք է առաջացրել. ինչու է դա արվում: Նախ՝ ներկա ժամանակներում, երբ Հայաստանում, տարածաշրջանում, աշխարհում կայունության նշույլ անգամ չկա, Հայաստանի վարչապետը պետք է ավելի լուրջ գործերով զբաղվի։
Բայց նույնիսկ եթե նա այդքան ցանկանում է հեծանիվ վարել, և դա նան իրավունքն է, ինչո՞ւ դրանից շոու սարքում: Ի՞նչ է փորձում ցույց տալ Փաշինյանը։
Շատերն ասում են, որ նա իբր ուզում է ցույց տալ, որ չի վախենում մարդկանց մեջ դուրս գալ, թեև մեծ մասամբ մարդաշատ վայրերում կամ պիկ ժամերին չի քշում։ Ավելին, պատշգամբից նետված խնձորի հետ կապված երեկվա միջադեպը, երբ Փաշինյանը այցելում էր իր հարազատներին, հուշում է, որ նա անվտանգության “ժողովրդական” երաշխիքներ չունի, և ոչ ոք չի հավատում, որ Փաշինյանը կարող է առանց վախի դուրս գալ մարդկանց մոտ։
Խնձորը նետած տղամարդու դրդապատճառներն անհայտ են, և թեև նա ազատ է արձակվել, հետաքննությունը շարունակվում է։ Դժվար թե քնչական մարմինը ասի, որ անձը խոստովանել է, իբր չի սիրում Փաշինյանին, քանի որ չի ընդունում նրա քաղաքականությունը, որը նսեմացնում է ազգային արժանապատվությունը։ Բայց դա չի նշանակում, որ հասարակության մեջ նման տրամադրություններ չկան։ Իսկ թե ինչ կլինի խնձորից հետո՝ հայտնի չէ։