Artsakh STEAM Fest․ հոկտեմբերի 6-ին
- 13:35 31.08.2024
2024 թվականի հոկտեմբերի 6-ին տեղի է ունենալու Artsakh STEAM Fest 2024-ը։
Ֆեստի հիմնական նպատակն է խթանել STEAM (science, technology, engineering, art and mathematics) կրթությունը, նախագծային ուսուցումը, համագործակցությունը և ցանցային կապը մասնակիցների, մանկավարժների, ոլորտի մասնագետների և կազմակերպությունների միջև։
Հայաստանում երիտասարդների հավանական ներուժը համարժեք չէ STEAM ոլորտներում սովորողների և մասնագետների ներգրավվածությանը: Սահմանափակ են հնարավորությունները գործնական, նախագծահեն ուսուցման և STEAM գիտելիքների իրական կիրառման համար: Տեղական տաղանդների, մանկավարժների և ոլորտի մասնագետների միջև բացակայում է համագործակցությունը և ցանցը: Արվեստները թերներկայացված են ավանդական STEM շրջանակում, որը ճնշում է ստեղծարարությանն ու նորարարությանը:
STEAM գործունեությամբ համայնքահեն նախաձեռնությունները կարող են խթանել տնտեսական և սոցիալական զարգացմանը:
Վերոնշյալ խնդիրների և կարիքների լուծման նպատակով` 2022 թվականին Մարտակերտ քաղաքում կազմակերպվեց «Artsakh STEM Expo» ցուցահանդեսը, որին մասնակցեց շուրջ 400 մասնակից ՀՀ-ից և Արցախից, իսկ նախորդ տարի Ստեփանակերտում կազմակերպեցինք «Artsakh STEM Expo 2023» ցուցահանդեսը, որին մասնակցեցին շուրջ 150 մասնակիցներ միայն Արցախից, քանի որ Արցախը գտնվում էր շրջափակման մեջ։
«STEAM Fest 2024»-ը հարթակ է՝ խթանելու STEAM կրթությունը, նորարարությունը և համագործակցությունը ուսանողների, մասնագետների և մանկավարժների միջև: Նպատակն է հետաքրքրություն առաջացնել STEAM ոլորտների նկատմամբ և խրախուսել նախագծային ուսուցումը` կենտրոնանալով ստեղծագործ և տեխնիկապես հմուտ թիմերի և անհատների սերունդ ձևավորելու վրա, որոնք կնպաստեն Հայաստանի աճին և զարգացմանը: